Kalaallit nerisassaataannik ileqquusunit nutaaliorneq ilaatigut tassaassapput ulluunerani paaqqinnittarfiit igaffiini ikiortinut pikkorissaatissatut nutaatut qulequtassaq.
Decemberimi 2011 Ilulissani igaffinni ikiortinut pikkorissaasoqarpoq nerisat peqqinnartut meeqqanut 0-12-linut ukiulinnut imaralugu.
Taamaasiorneq torrallataavoq pikkorissartulli ujartuipput immikkut ilisimanerorusutamainnik, ilaatigut sapigaqarneq, kalallit nerisassioriaasiannik nutaaliorsinnaaneq kiisalu eqqiluisaarneq.
Aalajangiunneqarpoq pikkorissaasarneq annertusineqassasoq neqeroorutigineqarlunilu Qaasuitsup Kommuniani paaqqinnittarfinni-iggavimmi ikiortinut neqeroorutigineqassasoq.
Pikkorissarnerup imarisai annerusumik atuagarsornikkut oqallisissiaassapput kiisalu iggavinni misileraanikkut ingerlanneqassallutik.
Oqallisissiaqarlunilu misileraasoqassaaq nerisat peqqinnartut suunersut, sukkut, taratsut, koffeini aamma pisiniarfiliartarneq, kiisalu nerisassioriaatsit kissartunik ullup qeqqasiutit isiginiarnerullugit kiisalu peqqinnartunik akunniliullugit nerineqarsinnaasut.
Aamma oqallisigineqarlutillu nerisassiornerit saniatigut qissimingaarneqassapput qalipaasiussanut, sukkunut kiisalu immuup sukkuanik sapigaqarneq. Oqallisigineqassapputtaaq eqqiluisaarneq imminullu nakkutigineq kiisalu isumassarsioqatigiinneq kalaallit nerisassaataasa qanoq muteerninngortissinnaanerinik.
Inunnguaq Hegelund igasoq kiisalu peqqissaatinik inuussutissalerinermik ilinniarsimasoq Tine Hoffmann pikkorissaasussaapput.
