Matumuuna Qaasuitsup Kommuniata tuniniarpaa Ilulissani B-1362, Niels Dorph-ip Aqq. 8, tamanut ammasumik, 1. december 2011-mi imaluunniit isumaqatigiissuteqarnikkut tiguneqartussanngorlugu.
Inissiaq uigulukuttutut sanaajuvoq, arkitekt-imit ilusilingaq, angissuseraa 87 m2. Qaarsumi aalaakkaasumi 1987-imi napparneqartoq. Inissiaq ukioq kaajallallugu imermut aammalu matuukkatut kuuffinnut sananeqarnermigut attaveqarpoq. Inissiaq ima aggungaavoq: Igaffik/ini, uffarfik, silarleq minguttuuleriffik, paaq, aammalu init sinittarfiit pingasut. Inissiaq siusinnerusukkut attartortittangaanikuuvoq.
Inissiaq inissiaqarfiup kiassaateqarfianit kiassangaavoq imermillu atukkamut nammineq uuttortaateqarluni. Inissiap naqqata iluani kuuffimmut imermullu aqqutinut tunngasut Qaasuitsup Kommuneanit isumagineqartuupput, taamaallaat attavilersuutitut ledningit pisisumit akisussaaffigineqassallutik.
Inissiaq taama ittuutillugu pissusiatigullu tunineqassaaq. Maluginiaqquneqarpoq inissiami imermik ajutoorneqarnikuummat, ajutoornerli toqqaannartumik takuneqarsinnaanani. Imaaratarsinnaavorli inimi allermi naqqup ataani ajoquserneqartoq takuneqarsinnaanngittumik.
Tunisinerup kingorna tunisisoq akisussaaffimmik peqassanngilaq (Qaasuitsup Kommuneata inissiamik piginnittuunera taamaallaat piginneqatigiilluni inissiaatileqatigiiffikkut ’Piginnittut peqatigiiffiat Niels Dorph 2-16’ aaqqitaavoq). Soqutiginnittutut pisiaqarniartup nammineq siunnersuisussaminik sulisussarsiornissaanik kaammattorneqarpoq.
Inissiap iluani aserfallattaaliineq pisisussap akisussaaffingaa ’Piginnittut peqatigiiffiat Niels Dorph 2-16’ malittarisassai naapertorlungit. Inissiap silataani ataatsimoorussat, inissiap immikkoortui, ataatsimoorussamik imermik innaallagissamillu pilersuinermi aqqutit piginneqatigiiffimmit akisussaaffigineqarput. Malittarisassat teknik-imut avatangiisinullu immikkoortortaqarfimmi pissarsiarineqarsinnaapput.
Tamatuma saniatigut illu pisisussamit pituttungaanngittumik pigineqalissaaq, taamaallaat ’Piginnittut peqatigiiffiat Niels Dorph 2-16’-ip malittarisassai, immikkoortortami illoqarfiup ilaanut pilersaarummi nalunaarsukkatut malittarisassat allatullu inatsisinit killeqartinneqaannarluni.
Tunisinermut atatillugu aningaasartuutaasussat tamarmik pisisumit akilerneqassapput.
Qaasuitsup Kommuniani allattoqarfik oqarasuaat 701100 imaluunniit e-mail qaasuitsup@qaasuitsup.gl saaffigalugu isumaqatigiissuteqarnikkut inissiamik takusaasoqarsinnaavoq.
Allakkatigut neqeroorut, qallunaat koruuniini aalajangersimasumik neqeroorutaasup akianik, kiisalu atermik, najugaqarfimmik aamma oqarasuaatip normuanik/e-mailimik nalunaaqutsigaq tingoreerneqassooq: Qaasuitsup kommunia, postboks 1023, 3952 Ilulissat, allakkat puuanni matoqqasumi, taamaallaat B-1362-imut neqeroorutaaneranik allaffigalugu, kingusinnerpaamik tallimanngorneq 3. november 2011, kl. 10.00, taamaalippat neqeroorutit ammarneqarumaarmata.
Neqeroorutaasoq uterteqqinneqarsinnaanngilaq, piumasaqaatitaqarani nangaassutitaqaranilu.
Tunisisup akuersinerata kingornatigut kingusinnerpaamik ullut tallimassaanni pisinermut akip akiliutigineqarnissaanut qularnaveeqqusiissut tunniunneqariissaaq imaluunniit akiliutigineqarluni.
Qaasuitsup Kommuniata neqeroorutitut nassiussaasimasut tamaasa itigartitsissutiginissaanut imminut pisinnaatippoq.