Timersornerit, eqqumiitsuliorneq nipilersornerlu periarfissat assigiinngitsut atorlugit Qaasuitsup Kommuniata tapersersugarai. Suliffeqarfiit, peqatigiiffiillu aqqutigalugit kommuni peqataavoq kiisalu timersortarfiit illorsuit timersorfiillu allat kommunimi innuttaasunut atugassatut periarfissiissutigisarlugit.
Kulturikkut ingerlatsinissamut Avannaa periarfissiilluarpoq. Assersuutigalugu Aasianni ingerlanneqartarpoq Nipiaa Rock Festival, rockimik nipilersornerit nunatsinni annersaasa ilaat aammalu katersugaasiviit issittumi nassaanik qangarsuarnitsat ilaannik saqqummersitsiviullutik.
Tamakku saniatigut timersuutit assigiinngitsut soorlu isikkamik arsaannerit qajartornerillu Kitaata Avannaani ingerlalluarneqartunut ilaapput.
Uani nassaarisinnaavatit kommunimi sumiiffinni assigiinngitsuni timersornikkut kulturikkullu periarfissat. Inuit attavissaq ammarsarfiillu tassani nassaarineqarsinnaapput.