Qaasuitsup Kommuniani innuttaasutut periarfissaqarputit angerlarsimaffinni ikiorteqarallarsinnaatitaaninnut imaluunniit ataavartumik ikiorteqartualernissannut, inuttut atukkat peqqissutsikkulluunniit ajornartorsiutit pissutigalugit angerlarsimaffinni ikiorteqartariaqaruit.
Angerlarsimaffimmi ikiorteqalernissamik qinnuteqaateqarneq nalinginnaasumik pisarpoq peqqinnissaqarfimmi sulisut, soorlu napparsimmavimmi sulisut, aqqutigalugit, taakkumi tassaammata innuttaasoq sinnerlugu angerlarsimaffimmi ikiorneqalernissamik qinnuteqaateqartussat. Taamattaaq kommunip inunnik iaumaginnittoqarfiani sulisut namminneerlutik inassuteqarsinnaatitaapput innuttaasut angerlarsimaffimminni ikiorteqalersinnaanerannut.
Taamatuttaaq illit imaluunniit ilaquttatit innuttaasutut qinnuteqarsinnaavusi angerlarsimaffissinni ikiorteqalernissassinnut, illit ilaquttavilluunniit nalilerpassuk illumi suliassatigut inuttulluunniit isumagineqarnissannik pisariaqartitsisutit.
Angerlarsimaffimmi ikiorteqartuarnissaq ukununnga atuuppoq:
- Innuttaasunut utoqqanngortunut.
- Annertuumik innarluutilinnut.
- Inunnut qaangersinnaanngisaminnik nappaatilinnut.
- Ilaqutarinnut innarluutilinnik meeralinnut ilaquttaminnilluunniit innarluutilinik namminerminniititaqartunut, ilaanneeriarlutillu angerlarsimaffimminni suliassanik nalinginnaasunik oqilisaanneqarnissaminnik pisariaqartitsilersartunut.
Angerlarsimaffimmi ikiorteqarallarneq ukununnga atuuppoq:
- Angerlarsimaffimmi suliassanut nalinginnaasunut ikioteqartariaqartunut, pisariaqartitsineq pissuteqarsimappat napparsimanermit, naartunermit, meerartaarnermit, imaluunniit ilaqutariit peqqqissaqatigiinnissaannik, illoqatigiinnilu inersimasortaqaratik illumik paaqqinnilluarsinnaasumik, taamalu naammaginanngitsumik artorsinneqartumik.
- Angerlarsimaffimmittaaq ikiorteqarallartitsineq atorneqartarpoq inunnik isumaginninnermut atatillugu pilersaarusiornikkut, tamannalu isigineqassalluni inunnik ikiorsiiniarluni iliuusaasarnermi iliuuserineqartartut allat ilaattulli.
- Angerlarsimaffimmi ikiorteqarallartitsisoqartarportaaq ilaquttanik napparsimaruloortoqartillugu toqujartortoqartilluguluunniit.
Angerlarsimaffimmi ikiorteqartitsinikkut anguniarneqarpoq kiffartuussat toqqissillutik angerlarsimaffinniiginnarnissaannut, taamalu inissiisarfiit arlaannut nuutsinneqannginnissaannut.