Nunatta iluani nunaniluunniit Avaannaamioqatigiinni timmisartukkut angalaniaruit pas-imut biilinilluunniit ingerlatsinermut allagartamut taarsiullugu sumi najugaqarnermik uppernarsaat kinaassutsinnut uppernarsaatitut atorsinnaavat.
Sumi najugaqarnermik uppernarsaaammik piniaruit sumiifinni kiffartuussivik qinnuteqarfigissavat, uppernarsaallu ingerlaannaq tassani pissavat.
Sumi najugaqarnermik uppernarsaat Qaasuitsup Kommuniani 55 kroninik akeqarpoq.
Malugiuk:
-
Ilisimassavat sumi najugaqarnermik uppernarsaat ukiut ataasiakkaaginnarlugit atuuttarmat.
-
Sumi najugaqarnermut uppernarsaat ukiut pingasut tikillugit atorneqarsinnaavoq, ukiukkaarlugilli naqissuserneqartassalluni.
-
Najugaqarfit allanngorpat eqqaamasavat sumi najugaqarninnik uppernarsaammik nutaamik piniarnissat.
-
Sumi najugaqarnermik uppernarsaat taamaallaat atuuppoq Kalaallit Nunaanni nunanilu Avannaamoqatiinninni.
-
Maluginiassavat nunani EU-mut ilaasortaasuni nunarsuullu sinnerani maleruagassat allaammata.
Sumi najugaqarrnermik uppernarsaat sunaanna?
Sumi najugaqarnermut uppernarsaat atussavat kinaaninnut sumilu najugaqarninnut uppernarsaatitut. Sumi najugaqarninnut uppernarsaatit atorfissaqartissavat soorlu:
-
Ilinniartuuguit.
-
Momsimik akiliutigisimasannik utertitsiniaruit.
-
Danmarkimut nuukkuit pequtivit tunniunneqarnissaannut.
Sumi najugaqarnermik uppernarsaat atorsinnaavattaaq soorlu:
-
Nunatsinni nunanilu Avannaamioqatigiinni angalaguit pas-itut.
-
Qularnaarutaavoq soorlu Danmarkimi nakorsaatisisariaqarsimaninnut kigutilluunniit nakorsannukartariaqarsimaninnut aningaasartuutivit utertinneqarnissaannut.
Kikkulluunniit Kalaallit Nunaanni aalajangersimasumik najugallit sumi najugaqarnermut uppernarsaammik pisinnaapput.