Juulli
Juullip nalaa Kalaallit Nunaanni immikkut maluginiagassaavoq. Nalliortorsiorneqartarpoq naneruuterpassuarnik aammalu juulli ulloriaanik aappaluaartunik aappaluttunillu igalaat amerlasuut peqartarlutik. Tamakku angerlarsimaffinni tamani pisortaqarfinnilu tamani takuneqarsinnaallutik.
Illoqarfinni tamani juullip orpiata naneruutai ikinneqartarput adventip allaaqqaataani, tamannalu pissutissaqalersitsisarpoq angerlarsimaffippassuarni ilaqutariittut nuannaarnissamut ataatsimoorluni juullerpaluttunik qiortaanernut gløggit juullimullu mamartut.
Kalaallit Nunaanni ileqquuvoq juullip ulloriaa juullillu pisatai allat kunngit pingasut ulluanni piiarneqartarnerat.
Meeqqat juulliat
Nalinginnaasumik ileqquuvoq meeqqat juulliaqqami silatangiaasarnerat, illumiit illumut silatangiarfimminniillu mamartunik tunineqartarnerat.
Lucia iluartup ullua nalliussineqartarpoq ulloq 13. decembari, meeqqat niaqqumikkut nigaliusalerlutik naneruutinik tigummillutik Lucia iluartoq pillugu erinarsortarnerat atuarfinni meeqqerivinnilu assut atorneqarluni.
Juulliaraq nalliussineqartarpoq 24, december orpiliaq kaavillugu, kisiannili meeqqat amerlanerit tunissutisiassatik ullaarnganiit tigoreersimasarpaat.
Ukiortaaq
Ukiortaaq Europami nunat assigalugit nalliussineqartarpoq nereqatigiinnermik qummoroortarnermik champagne-millu kisiannili immikkooruteqarluni ataatsimik, tassa marloriarluni qummoroortartoqartarami ulloq 31. decembari siulleq nal. 20.00 qallunaat unnuap qeqqanut ilassineqartarput, kiisalu Kalaallit Nunaani unnuap qeqqa aamma taamatut qummoroortaatinik ilassineqartarluni, tamannalu takusassaq tupinnarluinnartuuvoq, unnuaq taggarik qaqqallu aputitarasaartut qaammartinneqartaramik kusanarluinnartumik.
Inuiattut ullorsiorneq
Inuiattut ullorsiorneq tamanut nalliuttorsiorfiuvoq, taannalu nalliussineqartarpoq 21. juni ukiumi ullortunermi. Illoqarfiit nunaqarfiillu tamarmik pilersaarusiukkamik ullorsiortarput erinarsornermik aliikkusersuinermik allanillu.
Ukioq 2009 aallarnerfigalugu aamma 21. juni tassaavoq Kalaallit Nunaata namminersulernera.