Kalaallisut oqaatsit pingaarnersaapput, - illoqarfinni, nunaqarfinni, kommunimi aamma atuarfinni. Kisianni amerlanerit qallunaatut paasisarput aammalu amerlanerit qallunaatut oqalulluarsinnaallutik.
Kommunimi nutserisunik/oqalutsinik atorfeqartoqarpoq aammalu kommunalbestyrelsip ataatsimiititaliallu ataatsimiinnerini oqalutseqarneq periarfissaalluni. Ataatsimiinnermi imaqarniliat allakkallu nutsertinneqarsinnaapput.
Qaasuitsup Kommuniani innuttanut ukiuunerani periarfissaqartarpoq unnukkut atuarnermi kalaallisut pikkorissarnissamut. Sisimiuni oqaatsinut ilinniarfimmi annertuumik kalaallisut ilinniartitsineq ingerlanneqartarpoq. Annertunerusumik paasisaqarusukkuit nittartagaat takuneqarsinnaavoq uani www.oqaatsit.gl
Kalaallit oqaasiisa aallaaviat
Kalaallit oqaasii inuit oqaasiinit aallaaveqarput. Oqaloriaatsit "polysyntetisk" imatut oqaatigalugu oqaaseq qitiusumik aallaavilik, uiuusersukkat naggasersukkallu. Kalaallit oqaasiini oqaaseq ataaseq takisoorujussuusinnaavoq allallu oqaasinut nutserneqaruni oqaatsit arlalinnngorsinnaallutik.
Kalaallit oqaasini sumiorpalussutsit
Kalaallit oqaasii sisamanik ersarilluartunik sumiorpalussuseqarput, kujataamiusut, kitaamiusut, tunumiusut, avanersuarmiusullu. Kitaamiutut oqaatsit pisortatigoortumik oqaasiupput meeqqat tamarmik ilinniartagaat, qallunaatut tuluttullu oqaatsit saniatigut.
Oqaasersiat
Kalaallit Nunaanni nuannerineqartarpoq nunami allamiut tikittut kalaallisut oqalunniarsarigaangata. Aammalu nalunannginnerniit aallartilluni aallarniutaasinnaavoq oqaaseq hej ilinniarlugu isumaqarluni aluu, imaluunniit inuulluarna taaneqartarluni baaj tuluttungajak taaneqartarlutik "hello" aamma "good bye". Oqaatsit taakku aamma oqaasersiaapput, imaassinnaalluni amerikarmiut sorsunnersuup kingulliup tikinnerani oqaasersiarineqarsimasut.
Oqaatsit oqaluttuartut
Oqaatsit allat tamaasa assigalugit kalaallisut oqaatsit ineriartortuaannarput, aammalu oqaasersianik atuinngikkaanni oqaatsinik naleqquttunik nassaartoqartarluni. Oqaaseq computer qarasaasiamik taaneqartarpoq tassa qarasaq piviusuunngitsoq, kisiannili oqaaseq kartofler taaneqartarluni naatsiiat, tassa naanissaat utaqqineqarluni.
Kalaallit oqaasii allattariarsornikkut oqaluttariarsornikkullu immikkut illuinnartuupput. Taakku pillugit atuakkani arlalinni atuartoqarsinnaavoq, taakkulu nittartakkani pissarsiarineqarsinnaallutik.