Naartuninnut, meerartaarninnut meerarsiartaarninnullu atatillugu ullormiusiaqarniarlutit qinnuteqarniaruit immersugassaq talerpiata tungaaniittoq aasinnaavat.
Qinnuteqaatit sumiiffinni kiffartuussivimmut tunniutissavat uku ilanngullugit:
-
Nakorsap atsiugaa meerartaarnissap qaqugu pinissaanik missiliuisoq.
-
Sapaatip akunnerini kingullerni 13-ini akissarsiat allagartaat.
-
Ullormusiassat aningaaserivimmi kontomut sorlermut ikineqartarnissaannut paasissutissaq.
-
Akileraartarnermut allagartaq.
Kina ullormusiaqarsinnaatitaava?
Nalinginnaasumik najoqqutassaavoq anaanaasup ataataasullu meerartaarnermut atatillugu suliffinngineqarsinnaanerat, meerartaarnissamik ulluanik ilimagisaq sapaatit akunneri 13-it ingerlaneranni pissappat, imaluunniit:
-
aningaasarsiartalimmik suliffeqarsimaneq, imaluuunniit
-
namminersortutut inuussutisssarsiortuusimaneq, taamaattumulluunniit ikiuuuttuusimaneq, imaluunniit ilinniagaqartuusimaneq, imaluunniit
-
meqqat atuarfianni klassini angajullerni atuartuusimaneq
Inuit pisortanit ikiorsiissutinik pisartagaqartut naartunermullu atasumik ullormusiaqarnissamik pisariaqartitsisut sumiiffimminni inunnik isumaginnittoqarfimmut saaffiginnittariaqarput.
Anaanaasup naartunerminut atatillugu sulinngiffeqarnera
Anaanaasoq meerartaarnerminut atatillugu sapaatit sakunnerini 15-ini sulinngiffeqarsinnaatitaavoq. Marlulisimaguni amerlanerusunilluunniit meerartaarsimaguni anaanaasoq sapaatit akunnerini 19-ini sulinngiffeqarsinnaatitaavoq. Anaanaasoq taamatut pisinnaatitaaffeqassaaq meeqqani nammineq paarinngikkaluaruniulluunniit.
Ataataasup meerartaarnermut atatillugu sulinngiffeqarnera
Meeqqamut ataataasoq meerartaareernerup kingorna sapaatit akunnerini 3-ini sulinngiffeqarsinnaatitaavoq.
Sulinngiffeqarneq pissaaq meeqqap/meeqqat inunngorneranniit sapaatip akunnerini siullerni 15/19-ini.
Tassa ataataasup meerartaarnermut atatillugu sulinngiffeqarnera anaanaasup meerartaarnermut atatillugu sulinngiffeqannginnerata nalaani pissaaq.
Inatsisigut ataataatitaasoq kisimi sulinngiffeqarsinnaatitaavoq.
Angajoqqaajusut sulinngiffeqarnerat
Angajoqqaat meerartaarnermut atatillugu tamarmik immikkut sulinngiffeqarsinnaasitaanermik saniatigut pisinnaatitaapput sulinngiffeqarsinnaatitaaffiup qaangiutereernerata kingorna meeqqaminnik paarsinissaminnut sulinngiffeqaqqqissinaatitaaqqinnissaminnut.
Meerartaarnermut atatillugu sulinngiffeqarsinnatitaaqqinneq taaneqartarpoq angajoqqaanut inatsimmik. Angajoqqaanut inatsisip siunertaraa anaanaasup meerartaarnerminut atatillugu sulinngiffeqarnerata sivitsornissaa.
Ataatsimik meerartaarnermi sulinngiffeqarsinnaaneq sapaatit akunnerimik 17-inik sivisussuseqarpoq, marlulisimagaannili amerlanerusunilluunniit meerartaarsimagaanni sulinngiffeqarneq sapaatip akunerinik 21-nik sivisussuseqarluni.
Angajoqqaat namminneq aalajangissavaat sorleq sulinngiffeqassanersoq. Sulinngiffeqarnerlu sorliup qaqugukkut atussaneraa. Taamaattoq tamarmik ataatsikkut sulinngiffeqarsinnaanngillat.