Meeqqerivinnut neqoroorutaasartunut inissamik qinnuteqartarneq
- Tamanna Servicecenterimi imaluunniit illoqarfigisap allaffiani immersungassamik immersuinikkut pisarpoq.
- Meeqqat tamarmik utaqqisunut allatsittassapput sapaatip akunneri 16-inik utoqqaassuseqaleraangamik, aammalu sulinngeffeqarunnaarnissamut qaammat ataaseq sioqqullugu, imaluunniit qaammat ataaseq sioqqullugu suli Illoqarfimmut tikitassamut tikitsinnani allatsittoqarsinnaavoq.
- Angajoqqaat pilersuisut meeqqaminnik annertuumik inissaqarnissaannik pisariaqartsitisut, illoqarfigisami Meeqqeriviit Allaffianut allangaqarlutik qinnuteqaateqarsinnaapput, aammalu qinnuteqarnermi meeqqerivimmut neqoroorutaasartumut isertinniarnerannut tungavilersuummik namminerminut attuumassutilimmik paasissutissanik imaqartunik ilanngussinermi.
Inissanik innersuusisarneq
- Malittarisassani immikkoortoq 2-mi ”Inatsisartut peqqussutaat”-nni nr. 10-mi 5.dec. 2008-imeersoq perorsaanikkut ineriartortsitinermi meeqqat atualinnginneranni meeqqerivinnut neqoruurutaasartut pillugit malittarisassaq malinneqartassaaq.
- Meeqqat sap. ak. 20-nik utoqqaatigileraangamik ulluunerani inissaqalersinnaapput, immikkulli pisoqartillugu akuerineqarsinnaallutik.
- Tamatumanik qularinnittoqarpat paasisimasalimmik ikiortissarsiornissamik aggersaasoqassaaq.
- ”Meeraq pulaartoq” tassaavoq pilersuisut/angajoqqaat sulinerat imaluunniit illoqarfimmi allami pikkorissarnerat peqqutigalugu sivisunerpaamilli qaammatit marluk sap. ak. ataatsip paaritissimanerani akiligassaq takkutissalluni. Meeqqani eqimattani meeraq pulaartoq annerpaamik ataasiinnaasinnaavoq.
- Ilanngutsitaaneq eqqarsaatigalugu meeqqani eqimattakkaani annerpaamik meeqqat qallunaatuinnaq oqaluttut marluusinnaapput.
- Pilersuisut/angajoqqaat meeqqerivimmut neqoruurutaasumut isertitsinissamik allangaqaasiamik tigusaqarniariarunik, ini innersuussutigineqartoq kissaatiginngikkunikku Meeqqeriviit Allaffianut imaluunniit illoqarfigisami allaffimmut nammineq orningulluni oqarasuaatikkulluunniit saaffiginnissutigineqassaaq.
- Illoqarfimmi nunaqarfimmiluunnit meeqqerivimmiittuuteqareersoq allamut nuutsitiniaruni, taamaallaat tamanna pisinnaavoq meeqqap atungaa pisariaqartsitinermik tunngaveqarpat aammalu peqqissutsimigut pissutsit naleqqutinngippata § 10 imm. 3 LTF nr. 10, 5.12.2008-meersoq malillugu.
- Meeqqap peqqissusaat tunngavingalugu kissaatigineqarpat meeqqap nuuttariaqalersimanera, angajoqqaaniit tunngavilersuutigineqartup saniatigut aamma nakorsamiit uppernarsaammik piniassapput, taakkualu Meeqqeriviit Allaffiat imaluunniit illoqarfigisami allafimmut allakkat assilineri tunniunneqassallutik
Meeqqerivimmut neqoroorutaasumut inissalimmut isertinneqarneq
- Meeqqerivimmut neqoroorutaasumut isernermi imaluunniit allamut nuunnermi nalunaarutit allakkatigut Meeqqeriviit Allaffianiit imaluunniit illoqarfigisami allaffimmiit angajoqqaanut pilersuisunut nassiunneqartarput.
- Sulisut meeqqerivimmut neqoroorutaasumiittut isumaqatingalugit, meeraq meeqqerivimmut neqoroorutaasumut angajoqqaap nammineq pulaartissuaa, ullullu pisariaqartsitaai naapertorlugit pulaarfissaa sivisussuseqassalluni.
- Qaammatit marluk meeqqap inigisaa atorneqanngippat, meeraq anisineqassaaq.
- Meeqqat meeqqerivimmi neqoroorutaasumeereertut, ukiortik pinginnaasartillu malillugu allamut ingerlaqqillutik nussortinneqartarput.
- Meeqqat dagplejerimi 0-6-inik ukiullit tiguneqarsinnaapput. § 9 LTF-imi nr.10, 5.12.2008-imeersoq malillugu. Dagplejer-imiitsitinerup sivisussusia apeqqutaavoq meeqqap pisariaqartsitaa naapertorlugu aammalu angajoqqaat kissaataa malillugu.
Meeqqerivimmi neqoroorutaasartumiit anineq
- Anisitsinermi immersungassamik Servicecenterimi imaluunniit illoqarfigisami allaffiani immersuinikkut pisarpoq.
- Anisitsineq qaammatip naaneranut naatsorsuutigineqartassaaq, anisitsinermilu sapaatip akunneri pingasut sioqqullugit immersuinikkut pisassalluni.
- Meeqqanut friplads-ilinut, tapersersortilinnut, hjemme hos`-erilinnillu imaluunniit Isumaginnittoqarfimmi sullitanut tunngasutilinnut anisitsinermi, Isumaginninnermi siunnersortimiit anineranut akuersissutigineqaqqaassaaq
Meeqqerivimmi neqoroorutaaasartumiit inigisamik attartortsitineq
- Anisitsinermi immersungassamik Servicecenterimi imaluunniit illoqarfigisami allaffiani immersuinikkut pisarpoq.
- Attartortsitineq taamaallaat pilersuisunut allamut aallarlutik praktikkeriartunut atorneqarsinnaavoq.
- Meeqqerivinni inini ataasiakkaartuni meeqqamik ataasiinnarmik taamaallaat sippuisoqarsinnaavoq. Tamannalu kingunerisinnaavaa attortortsitereernerup kinguninngua meeraq ”inigisakuminut” uteqqinngitsoortoq, imaluuniit meeqqerivimmi allami aallatsittoq.