Angajoqqaat 18-it inorlugit ukiulinnik meerallit qaammatikkaartumik meeqqanut tapisisinnaatitaapput ukiumi inaarutaasumik akileraaruteqarfiusumi kingullermi ilisimaneqartumi ukuninnga isertitaqartarunik:
| Isertitat uku tikillugit: |
Meeqqanut tapiissutit amerlassusiat: |
| 130.000 kr. |
636,42 kr. meeqqamut ataatsimut |
| 180.000 kr. |
430,25 kr. meeqqamut ataatsimut |
| 280.000 kr. |
239,17 kr. meeqqamut ataatsimut |
Assersuut: 2010-imut 2008-mi isertarineqarsimasut atorneqarput. Tassa 2009-imi tamakkiisumik isertitarineqarsimasut suli ilisimaneqanngimmata.
Meeqqanut tapisisinnaatitaanissamut piumasaqaataasut ukuupput:
-
Meeraq 18-it inorlugit ukioqassaaq.
-
Meeraq Kalaallit Nunaanni najugaqarlunilu inuit allattorsimaffianniissaq.
-
Meeraq danskisut innuttaassuseqassaaq.
-
Meeraq imminut pilersortuussanngilaq, naartunani meerartaarsimaniluunniit.
-
Meeraq katissimassanngilaq.
-
Meeraq angerlarsimaffiup avataanut pisortanit inissinneqarsimasuussanngilaq.
Meeqqanut tapisiaq tunniunneqartassaaq qaammatip aallartinnerani ulluinnarmi siullermi, angajoqqaajusut isertitassatut killiliussat aalajangikkat sinnerlugit isertitaqanngippata.
Meeqqat tapii namminerisaminnik tunniunneqartarput. Taamaattumik pisariaqanngilaq qinnutiginissaat.
Ilaqutariit isertitaat ataavartumik allannguuteqarpata, meeqqat tapiisa allanngortinnissaat qinnutigineqar-sinnaavoq. Taamaasiornermi uani nittartakkami immersugassiaq atorneqarsinnaavoq.
Aamma immersugassiaq atorsinnaavat kontonormut allanngorpat kommunemullu paasissutissiiniaruit kontonormuit allannguutaanik