Kinaluunniit Kalaallit Nunaanni piniartartoq piniarnissamut allagartaqassaaq.
Piniarnermut allagartartaarniaruit immersugassaq piniarnermut allagartartaarniarluni qinnuteqarfissaq talerpiata tungaaniittoq aasinnaavat.
Immersugassaq immersoreerukku sumiiffinni kiffartuussivimmut tunniutissavat, taakku misissoriarlugu sinnera immersussavaat.
Immersugaq kommunip Aalisarnermut Piniarnermullu Naalakkersuisoqarfimmut nassiutissavaat piniarnermut allagartassaq tassanngaanniit tunniunneqassammat.
Naatsorsuutigissavat naalakkersuisoqarfimmi suliarineqarnera ullunik tallimanik sivisussuseqassasoq.
Piniarnermut allagartassat allakkerisarfikkut ilinnut nassiunneqassaaq. Taamaattumik pingaaruteqarpoq najugaqarfivit sumerpiaq innera eqqortumik nalunaarutigissagit.
Makku pillugit annertunerusumik paasiniaasinnaavutit:
- Killilersukkat siunnersorneqarnerlu
- Piniarneq aalisarnerlu pillugit inatsisit nalunaarutillu
- Piniagassat allattorsimaffiat
- 2009/2010-mi ullut piniarfissat
Paasissutissattaaq amerlanerujussuit pisinnaavatit Aalisarnermut Piniarnermullu Aqutsisoqarfiup nittartagaani.