Napparsimanerit peqqutaalluni imminut pilersorsinnaanngikkuit pisortanit ikiorsiissutinik kommuunimut qinnuteqarsinnaavutit.
Ilitsersuut tullinnguuttoq http://www.sullissivik.gl –mit aaneqarnikuuvoq.
Tunuliaqut
Sapinngisat naapertorlugu ilinnut ilaquttannullu pilersuisussaatitaavutit. Inuttut nalaataqarsimaguit tamaattumillu ilinnut ilaquttannullu pilersuisinnaajunnaarsimaguit, periarfissaqarputit pisortatigut ikiorsiissutinik qinnuteqarnissamut.
Inuttut nalaatat makkuusinnaapput: Toqusoorneq, suliffissaarunneq, napparsimaneq, erninerup kingorna sulinngiffeqarneq, avinneq.
Pisortatigut ikiorsiissutinik qinnuteqaruit isummersorneqarnissamut siunnersorneqarnissamullu pisinnaatitaavutit, qanoq ilillutit ilinnut ilaquttannullu pilersueqqissinnaanerit pisinnaanersoq anguniarlugu.
Piumasaqaatit
Pisortatigut ikiorsiissutinik qinnuteqarsinnaavutit ima pisoqarpat:
- Kalaallit nunaanni najugaqavissuuguit, inuillu allattorsimaffiannut nalunaarsoqqallutit
- Qallunaatut innuttaassuseqaruit
- Qallunaatut innuttaassusilimmut maanna katissimaguit, imaluunniit siusinnerusukkut katissimasimaguit
- Nunanut allanut imaluunniit nunat tamalaat akornanni kattuffinnut isumaqatigiissutini ilaatinneqaruit
- Inuttut nalaataqarsimaguit, soorlu; napparsimanikkut, erninerup kingorna sulinngiffeqarneq, suliffissaarunneq imaluunniit inooqatigiikkunnaarneq
- Ilinnut ilaquttannullu pilersuinikkut, akiligassanullu akilersuinissamut naammattumik aningaasarsiornissamut periarfissaqanngikkuit
- Suliffissarsiortutut nalunaarsorsimaguit
Piviusut
Pisortatigut ikiorsiissutinik qinnuteqarniaruit, imatut iliussaatit:
- Qinnuteqarnermi immersugassaq immersussavat
- Akissarsiavit allagartaat kingulliit pingasut ilanngutissavatit
- Akiligassavit uppernarsaataat ilanngutissavatit, soorlu makkununnga, ineqarnermut, kallerup inneranut , eqqaaviit anartarfinnullu,ulluunerani paaqqinnittarfimmut, kiassarnermut
Qinnuteqaatit kommunip tiguguniuk, pisortatigut ikiorsiissutinik tunineqarsinnaanersutit nalilersussavaa.
Ilitsersuut tamaat atuarusukkukku http://www.sullissivik.gl -imi atuarsinnaavat.