Aanngaarniutinik pinngitsuuisinnaajunnaarsimaguit katsorsarneqarnissarnut ikiorneqarnissarnut qinnuteqarsinnaavutit.
Ataani ilitsersuut http://www.sullissivik.gl –imeersoq atuaruk.
Tunuliaqut
Makkunannga ajornartorsiuteqaruit, atornerluinermut katsorsarneqarsinnaavutit:
- Imigassanik
- Hashi – ikiaroorniutinik
- Aningaasanoornermik
- Nakorsaatinik
Ilaquttavit ilaat atornerluinermik ajornartorsiuteqarpat, ikiorserneqarsinnaavutit. Kommunimut allaffeqarfianut nunaqarfimmiluunnit aqutsisut allaffiannut ikiorserneqarumallutit saaffiginnissinnaavutit.
Piumasaqaatit
Ikiorserneqarsinnaavutit :
- Atornerluisuuquvit, atornerluisuunerillu nassuerutigisimagukku
- Ilaquttavit ilaat atornerluinermik ajornartorsiuteqarpat, nassuerutigineqarsimappat atornerluineq nassuerutigineqarsimanngippalluunniit.
Ikiorserneqarnissamut periarfissat
Ikiorsiissutit makkuusinnaapput:
- Siunnersuinerit
- Katsorsartinneq
- Pinaveersaartitsineq
- Katsorsartinnermut atatillugu aningaasatigut ikiorsiineq
- Katsorsartinnissamut angalanissanullu ikiorsiissutit
- Ilaqutariinnik pilersuisuusup katsorsartinnerani aningaasatigut ilaqutariinnut ikiorsiinerit
- Meeqqat inissikkallarneqarsinnaapput angajoqqaat katsorsartinnerini
Malugiuk:
Najukkami inuit imminnut ikioqatigiittartut, soorlu assersuutigalugu AA-it - Anonyme Alkoholikerit .