Illorsi pisortat eqqaaviutaannut kuuffinnut attavilersinniarussiuk qinnuteqaatissaq talerpiata tungaaniittoq atorlugu qinnuteqarsinnaavusi.
Immersugassaq sumiiffissiinni sullissivimmut imaluunniit sanaartornermut avatangiisinullu ingerlatsivimmut tunniutissuarsi, qinnuteqaatersi tassani suliarineqassammat.
Aammattaaq sumiiffissiinni sullissivik imaluunniit sanaartornermut avatangiisinullu ingerlatsivik saaffigisinnaavarsi pisortat eqqaaviutaannut kuuffilinnut attaveqaaserneqarnissamik qinnuteqaateqarnissanut tunngasunik apeqqutissaqarussi.
Malugiuk:
Eqqaaviit kuuffiinut 1998 sioqqullugu assaanneqarsimasunut attavilerneqarneq immikkut akiliutitaqanngilaq. Kuuffilianut nutaanerusunut attavilerneqarneq immikkut akiliutissartaqarpoq, tassunga atatillugu akiliuteqartarnissamik makeruagassat nalillugit.
Piginnittuneq
Eqqaavinnut kuuffiit marlunngorlugit immikkoortitapput:
- Kuuffiit tamanut atuuttut, Qaasuitsup Kommuniata isumagisai.
- Inuit namminneq kuuffiutaat, illumik piginnittup isumagisai.
Nalinginnaasumik oqaatigissagaanni tamanna ima paasisariaqassaaq: Eqqaavimmut kuuffiup ammartarfianiit siullermiit illumut aqqutaa illuutilllip akisussaaffigaa. Illuatungaatigulli kuuffiup illumut qaninnermi ammartarfianiit ingerlaqqinnera kommunip akisussaaffigalugu.