Sanaartorfissavit naleqquttumik inissinneqarfissaanik nassaarsimaguit nunaminertamik atuinissamut akuersissummik tunineqarnissannik qinnuteqarsinnaavutit.
Nunaminermimmi agguaasussatut akuersisartutut oqartussaasut tassaapput illit nunaminermik atuilersinnak akuerseqqaartussat.
Nunaminertamik atuinissamut qinnuteqaateqarnissamut marlunnik periarfissaqarputit:
- Nunaminertamik atuinissamut qinnuteqarfissaq immersugassaq nalinginnaasoq atorlugu.
- Nunaminertamik atuinissamut qarasaasiaq atorlugu http://www.nunagis.gl -ikkut qinnuteqarlutit.
Pingaaruteqarluinnartoq:
Nunaminermik atuinissamut qarasaasiakkut qinnuteqaat Sanaartornermut Avatangiisinullu Ingerlatsiviup atorunnaarsissinnaavaa qinnuteqaatip atsiornera sapaatit akunneri sisamat qaangiutsinnagit tigusimanngikkuniuk. Tamanna pissuteqarpoq qarasaasiakkut atsiortitsineq nunatsinni suli atulersinneqanngimmat.
Qarasaasiakkut nalinginnasumilluunniit qinnuteqarluni immersugassamik ajornartorsiuteqaruit Qaasuitsup Kommuniani Sanaartornermut Avatangiisinullu Ingerlatsivik saaffigissavat.
Ilitsersuuttaaq una atuaruk: "Nunaminertamik tunineqarnissamut qinnuteqaammut ilitsersuut".