Namminersornerullutik Oqartussaasimasut illoqarfinni nunaqarfinnilu illunik sanaqataaffiusunik pisinissamut kommuninut tapiissuteqartarnikuupput, aammalu illunik sanaqataaffiusunik inuinnarnut taarsigassarsititsisarnikuullutik.
Inuinnarnut illunik sanaqataaffiusunik pisinissamut taarsigassarsititsinermi sanaqataasup aallaqqaatissatut nammineerluni akiligassaanut isertitarisimasai apeqqutaassapput. Tassalu sanaqataasussat qaffasingaatsiartunik isertitaqarsimasut aallaqqaatissatut namminneerlutik akiligassaat sanaqataasussanut appasingaatsiartunik isertitaqarsimasunut naleqqiullutik qaffasinnerusarlutik. Aaqqissuussineq A/S Inissiaatileqatigiiffik INI-mit aqunneqarpoq.
Sanaqateqarlunili illuliortarnermik aaqqissuussineq 2010-mi aningaasaliiffigineqanngimmat, ukioq 2010 tamakkerlugu tapiissutinik akuersisoqassanngilaq.
Ineqarnermut, Attaveqarnermut, Angallannermullu Naalakkersuisoqarfik nalunaarpoq, ukioq mannamut aningaasaliisoqannginneranut peqqutaasoq, nunaqarfiit avinngarusimasullu pillugit sanaartornermut najoqqutassiorneq utaqqineqarmat.