Immersugassat assigiinngitsut sullissivimmi pigaavut. Immersugassat nammineerlutit immersorsinnaavatit, soorlu namminersorlutit taxaatitaarniaruit, meeqqanut paaqqinnittarfimmi meeqqat inissaqartinniarukku, piniarnermut allagartartaarniaruit allarluinnarmulluunniit tunngasumik saaffiginnissuteqarniaruit – uani sumiiffinni sullissiviit ammasarfii apeqqutaatinnagit immersugassarnik aallersinnaavutit.
Taamaattoq immersukkat atsiorlugu sumiiffinni sullissivimmut tunniutissavat, nunatsinnimi qarasaasiakkut atsiortitsisarneq suli atuutilinngimmat.
Immikkoortortat agguataarneri
Sullissivik immikkoortunut assigiinngitsunut agguagaavoq, soorlu kulturimut sunngiffimmullu tunngasunut. Aammattaaq immersugassat suunerisa allattorsimaffiat pisinnaavat qulequtaasa aallaqqaataasa naqinnerisa tulleriiaarnerat malillugu.
Sullissiviup pingaarnerutillugit pigai qinnuteqarnernut, nalunaarnernut taamaatitsinernullu immersugassat, pisariaqarfiisigut paasissutissartallit, aamma siumorneqarsinnaapput isumaginninnerup tungaatigut siunnersuutit ilitsersuutillu.
Uani quppernermi ujakkat naninngitsooraluarukku illoqarfinni sullissivinnut saaffiginninnissannut tikilluaqqusaavutit.