Suliffeqarfiup kommunemit pigineqartup, Destination Avannaata, akisussaaffigaa avannaani inuussutissarsiutitigut takornariaqarnikkullu ineriartortitsineq siunnersuinerlu.
Qaasuitsup Kommuniata Destination Avannaa sullissinermut isumaqatigiissusiorfigisimavaa, tamatuma kinguneranik Destination Avannaa inuussutissarsortunut ikiorsiissuteqarlunilu siunnersuisassaaq.
Destination Avannaa tassaavoq one-door business-to-business partner. Ima paasineqassaaq, suliffeqarfiup inuussutissarsiornikkut siunnersuinerit tamaasa tigummissavai suliffeqarfiit ataasiinnarmut saaffiginnissinnaatillugit.
Destination Avannaata aamma innersuussinnaavaatit Kalaallit Nunaanni Takornariaqarnermut Inuussutissarsiutitigullu Siunnersuisoqatigiinnut Inussuk.
Qaasuitsup Kommuneata inuussutissarsiornermut attuumassuteqartut suli oqartussaaffigai. Uani quppernermi takusinnaavatit suut pineqarnersut.
Ilaatigut tassaapput akuersissutit arlariit – soorlu assersuutigalugu biilinik angallassilluni niiveruteqarneq, imigassanik kimittuunik sassaallersinnaanerit kiisalu aningaasanoorutinik inissiiortornerit.
Kommunemut pilersuissaguit kommunemilu sullissinermut normoqarusullutit uani takusinnaavat qanoq iliussanerlutit.