Kalaalimineerniarfik Ilulissat

Sanaartugassanut Avatangiisinullu ataatsimiittitaliap Kalaalimineerniarfimmut maleruaqqusat uku ulloq 01.04.2007 akuerisimavai:

  • Kalaalimineerniarfik ulluinnarni tuniniaavittut ammasassooq nal. 9.00-miit 17.00-mut aamma arfininngornermi sapaatinilu nal. 9.00-miit 13.00-mut.
  • Taamaallaat kommunemi atorfillit Kalaalimineerniarfimmi tuniniaasinnaatitaapput. Siunertarineqarpoq kalaalimineerniarfimmi sulisut, inuussutissalerinermut nerisassallu alutornarsarneqartarnissaannik pikkorissartinneqassasut.
  • Igitassat Kalaalimineerniarfiup eqqaanut qimanneqassanngillat.
  • Pisat Kalaalimineerniarfimmiit kasiilikkat igitassatut isigineqassapput iginneqassallutillu.
  • Aalisarnermut piniutit suulluunniit Kalaalimineerniarfiup eqqaanut inissinneqassanngillat.
  • Imigassanik kimittuunik aangajaarniutinilluunniit Kalaalimineerniarfimmi atuineq inerteqqutaalluinnarpoq. Taamaasiortoqarpat tuniniaasut, nakkutilliisut pilersuisulluunniit pisus-saapput inuk pineqartoq Kalaalimineerniarfimmiik qimaguteqqullugu. Tamanna pinngippat inuk pineqartoq politiinut ingerlaannaq unnerluutigineqassooq.
  • Kalaalimineerniarfimmi nerisassiorneq nerinerluunniit inerteqqutaavoq.
  • Tuniniaasut eqqortunik atisaqassapput, tassa aaqassapput, kiilleqarlutik aaqqateqarlutillu.
  • Malittarisassat Suliffeqarfiit inuussutissaleriffiusut pillugit Namminersornerullutik Oqartussat nalunaarutaat nr. 21, 27. juli 1998-imeersumi, kapitalit 15-anneersoq, Kalaaliminernik nioqquteqarnermut tuniniaanermut maleruaqqusaq malitsinneqassooq.
  • Kalaalimineerniarfimmi eqqaanilu aaqqissuussaanngitsumik tuniniaaneq akuerineqanngilaq tamannalu politiinut unnerluutigineqassooq.
  • Kommunemiit tuniniaasutut atorfeqartitap innersuussutai tamatigut malinneqassapput.
  • Malittarisassanittaaq unioqqutitsinerup malitsigissavaa, Kalaalimineerniarfimmut takkuteqqusaajunnaarneq tuniniaaqqusaajunnaarnerlu.




Kingullermik nutarterpoq: 17/05/2010

Sideansvarlig: Aqissiaq Mathiassen

Nalunaarfigitigut (AJORPOQ)

Ugguuna kommunip ingerlatsinermut immikkoortortaqarfia nalunaarfigisinnaavat illit isummat malillugu pissutsinik aaqqiivigisinnaasaanik. Nalunaaruteqarit, taava nalunaarutigisat misissoriarlugu aaqqiivigissavarput.

Pissutsit makkuusinnaapput:

  • Majuartarfiit
  • Ulluinnarni igitassanik eqqaaveqarneq
  • Anartarfinnik eqqaaneq
  • Eqqakkat aqqutaat
  • Talittarfik
  • Aputajaaneq
  • Siorarterineq
  • Qimmit


Qaasuitsup Kommuniata ugguuna saaffiginnittut kikkuuneri uppernarsarsinnaanngilai. Taamaattumik saaffiginnissutit inuit ataasiakkaat saaffiginnissutaattut suliarineqassanngilaq, taamaattumillu aamma ugguuna saaffiginnikkuit kommunimiit akissutisissanngilatit.

Saaffiginnissutivit tiguneqarsimaneranut uppernarsaammik perusukkuit najugaqarfinni taakkununnga akisussaasunut e-mail atorlugu saaffiginnissaatit.

Nalunaarfigitigut (AJORPOQ)

Sumut attavigissavatsigit qanorlu oqariartorpit?