Katersugaasiviup Juullimi orpiliaa – meeqqerivimmi suliniut

18. december 2017

Meeqqerivimmi Kulunnguami meeqqat angajulliit katersugaasivup orpianik kusassaallutik pinnersaasiortarnerat Qasigiannguanii katersugaasiviup ileqquliussimavaa.

Katersugaasiviup orpia avannaani ileqqoq malillugu suliarineqartarpoq tassa orpik pilutaalu qisussanik nimerlugit suliarineqartarmata. Katersugaasivimmi adventip sapaataani siullermi orpilialiorneq aallartittarpoq tassa orpittaanut pilutaannullu qisussanik nimerneqartarmata, taamaalilluni juulleriartorneranut takutitsinermut atatillugu piariivinnagu nuisatinneqartarami.

Qasigiannguani meeqqerivimmi ´Kulunnguaq´-mi meeqqat angajulliit ikittunnguit tallimanngornermi 15. december-imi ukioq manna orpik piareerpaat. Meeqqat erinarsuutinik juullisiutinik naggasiillutik tussiarput kiisalu kaginik aamma tunissummik ataatsimoorussamik pinnallutik. Meeqqerivimmi meeqqat angajulliit – meeqqat 1. klasse-mi atualersussat – ukioq manna decemberimi katersugaasivik pingasoriarlutik assigiinngitsunik sammisaqarlutik pilaarsimavaat, tassani eqimattat kingullit orpiliaq nammineq sanaaq suliarisimavaat.

/Qasigiannguani katersugaavik, 2017.

Assiliaq: Meeqqerivimmi meeqqat orpik piareernikoq iloqqagaat.