Nuussuarmi nutaamik qitiusoqarfissaq sanaartorfioqqusaanngitsorlu

15. december 2017

Tamanut nalunaaruteqarneq Kommunep pilersaarutaanut tapiliussaq nr.25, Nuussuarmi sumiiffiup ilaa C03 aamma D03.

Kommunip pilersaarutaanut tapiliussaq nr. 25 inaarutaasumik ulloq 07.12.2017-imi akuersissutigineqarpoq. Kommunip pilersaarutaanut tapiliussaq ulloq 15.12.2017-imi tamanut nalunaarutigineqarpoq, kommunip pilersaarutaanut tapiliussaq taamaalilluni ullormit tassannga inatsisitigut atuuttunngortinneqarpoq.

Kommunip pilersaarutaanut tapiliussap siunertaa:
Qiterisaqarfik nutaaq (C03) illu sullivittut kiisalu inissiaqarfittut pilersinneqassasoq, ilutigitillugu sanaartorfigeqqusaanngitsoq (D03) iliveqarfissatut inissitaq avannamut nuunneqassasoq.
Qiterisaqarfimmut pingaarnertut kiisalu immikkuualuttortaanut maleruagassanik aalajangersaasoqassaaq. Ilutigitillugu sanaartorfigeqqusaanngitsoq pillugu pingaarnertut maleruagassanik aalajangersaasoqassaaq.

Immikkoortortanut arfinilinnut pingaarnertut aalajangersakkanik aalajangersaaneq, taamaaliornikkut inissiaqarfittut- inuussutissarsiorfeqarfittut- aamma qitiusoqarfittut siunertanut atugassiissuteqarsinnaaneq periarfissikkumallugu.

Kommunip pilersaarutaanut tapiliussaq sapaatit akunnerini arfineq-pingasuni tamanut tusarniutigineqarnikuuvoq, tamatuma ingerlanerani innuttaasut, suliffeqarfiit il.il. akerliliissutinik, oqaaseqaatinik allannguutissatullu siunnersuutinik saqqummiussisinnaasimapput.

KPT25_akuerisaq.pdf