Pisissaarluni juullimut naggataarneq

13. december 2017

Ataasinngornermi Qasigiannguit Katersugaasiviat ammasumik juullimut naggataarnersiortitsivoq pisissimik pisissaarnermik.

Meeqqat, inuusuttut inersimasullu 20-t missaat unnummut pilersaarummi peqataapput, tassunga ilaalluni sisamakkuutaarluni pisissaarnissamut kissasserneq, kingorna inuit ataasiakkaarlutik pingasoriarlutik pisissaarsinnaallutik.

Unnummi eqqorniagaq tassaavoq tuutumik titartagaq, tassa pisisseq oqaluttuarisaanermi Kalaallit Nunaanni aavarnermut attuumassuteqartinneqarmat.

Isiginnaariat isumannaallisaaneq pissutigalugu pisissaarfiup avataaniipput kisiannili eqqorniagaq isiginnaarussuakkut malinnaaffigisinnaavaat.

Juullimut unammineq naggataarutaavoq, taanna katersugaasiviup pisissaartarnissamik neqeroorutigaa ukioq tamaat sapaatip akunnerani unnuk ataaseq neqeroorutaasassaaq, aasami silami ukiukkullu timersortarfimmi. Pisissaarnerup saniatigut, pisisseq recurve atortillugu, katersugaasiviup sulissutigaa kitaamiut pisissannik piniummik sananissaq, taanna ilsimaneqarpoq Thulekulturimiit.

Katersugaasiviup neriuutigaa pisissaarnermut soqutiginninneq 2018-mi nangeqqissasoq, tassani aamma seeqqorluni piseriaqattaartarneq ileqqutoqqatut sungiusaataassaaq.

Assit: Piseriallaqqinnerit pingasut siilipikaagimik tuttuusamik akissarsipput.

Qasigiannguit Katersugaasiviat, 2017.