Kommune Qeqertalik, 2018-imut missingersuut

1. december 2017

2018-imut missingersuutit tassapput Kommune Qeqertalik-up kommunitut nutaatut missingersuutai siulliit.

Illoqarfiini tamani innuttaasut pisariaqartitaat kissaataallu aallaavigalugit naligiimmik ineriartitsisoqassasoq kommunip nutaap takorluugaraa.

Kommunip qanoq ingerlanneqarnissaanik inatsisit malittarisassallu amerlasuut sinaakkutassiisuupput – taamaattorli inoqarfinnit ataasiakkaani innuttaasut tusarnarlugit pisariaqartitaallu aallaavigalugit sinaakkutit takkua iluini suliaqartassaagut.

Aaqqissuussaaneq kalaallit kulturiannik aallaaveqarnerusoq aamma Kalaallit Nunaanni pissutsinut tulluarsagaq pilersinniarparput.

Nalorninartorpassuit atuutileruttorneranni – Qaasuitsup Kommuniata aningaasanik karsimut qassinik tunissaneraatigut naluarput aamma aaqqissuussaaneq qanoq isikkoqavissanersoq naluarput -missingersuusiortoqarpoq.

Taamaattumik aningaasaqarnerput misissoqqissaariarlugu (april-ip/maj-ip qaammataani) 2018-imi missingersuutit siullermeerlutik malinnaavigineqassasut siunnersuutigivarput.

Isertitatta sinaakkutissai aalajangiunneqareerput – aamma aqutsisutut suleqatitullu uagut innuttaasut pisariaqartitaannik kissaataannillu sapinngisamik amerlanerpaanik naammassinnissinnaanissarput suliassarivarput.

Nunassuarmi inissisimaffipput, pinngortitaq, inuit nukingi aamma qarasaasiatigut ikiuinermi atortorissaarutit atorlugit Kommune Qeqertalik najugaqarfigissallugu inuuffigissallugu alliartorfigissallugulu kajungernarnerusunngortikkusupparput.

 

Ane Hansen

Ikaarsaariarnermut ataatsimiititaliami siulittaasoq

2018-imut missingersuutit.pdf