Tusarniaanerup sivitsorneqanera: Kommunip pilersaarutaata tapiatut nr. 47-tut siunnersuut, Uummannaq

28. november 2017

Piffissami tusarniaaffiusumi ulloq 30.08.2017-imiit ulloq 25.10.2017 ilanngullugu ingerlanneqarnikuusumi, siunnersuummut akerliliissutinik oqaaseqaatinillu takkuttoqarsimavoq. Namminersorlutik Oqartussat ilaqutariit amerlassusiat taamaalillunilu inissiat pillugit paasissutissiissutaat nutaat aallaavigalugit, pilersaarutip iluarsiiviginissaa pisariaqarsimavoq. Sanaartorfissat inissisimaffiat nikisinneqarpoq, angissutsimikkut katitigaanermikkullu allannguiffigineqarlutik, taamaaliornikkut immikkoortortami ilaqutariit illuinut ataasiakkaanut aamma uiguleriaanut inissaqartitsisoqalerluni.

Taamatuttaaq, nunap ilusaa patsisigalugu sanaartorfissat siunnersuummi inissisimaffiinut tunngatillugu, illut ilusaat toqqarneqarsimasut sumiiffinnut arlaqartunut naleqquttuunngillat. Taamaattumik sumiiffinni arlaqartuni sanaartorfissat inissisimaffii nikisinneqassapput, taamaalillutik nunap ilusaanut naleqqussarneqassallutik. Sumiiffinni arlaqarluni taamaalilluni allannguisoqarpoq, tamatumalu kingunerivaa, pilersaarutip ilassutaasumik ulluni 14-ini tamanut tusarniaassutigineqarnissaa.

Tusarniaanerup sivitsorneqanera: ulloq 29.11 2017 – 13.12.2017

Kommunip pilersaarutaata tapiata siunertaa:
Kommunip pilersaarutaata tapiata uuma pingaarnertut siunertaa unaavoq: Uummannap pigisaani Nuugaatsiami aamma Illorsuarni najugallit pinngortitap piliaanik ajunaarnersuarmik eqqugaasut najugaqarfissaannik qulakkeerinninniarluni sanaartorfissanik immikkoortitsinissaq. Kommunip pilersaarutaata tapiata uuma Uummannami immikkoortortaq A12-mi sanaartugassat tamarmiusut pilersaarusiorneqarnerini pingaarnertut aalajangersakkat aamma immikkuualuttut aalajangersagartai aalajangersassavai.

Tusarniaanermut illit akissutit kommunip nittartagaa aqqutigalugu kommunimut toqqaannartumik allassinnaavat. Tassunga aamma filinik ilanngussisinnaavutit. Najukkarni Sullissivimmut aamma tunniussinnaavat imaluunniit kommunimut nassiussinnaavat.

Tamanik tusarniaaneq naammassippat kommunalbestyrelsip akerliulluni nalunaarutaasinnaasut aamma allannguutissatut siunnersuutit suliarissavai tamatumalu kingorna siunnersuut inaarutaasumik akuerineqassaaq.

Tusarniutigineqartumut akerliullutik nalunaarutissaqaruit imaluunniit oqaaseqaateqarusukkuit taakkua kingusinnerpaamik kommunimut una ulloq tunniunneqariissapput: 13.12.2017.

KPT47_siunnersuut.pdf