Kommune Qeqertalik Pisortaanertarpoq

23. november 2017
Kommune Qeqertaliup Ikarsaariarnermi Ataatsimiisitaliata Hans Peter Poulsen 1 december 2017 aallarnerfigalugu ikarsaarnermi Pisortaanertut atorfinitsippaa.
 
Hans Peter Poulsen ilinniagartuujuvoq allaffissornermi  Nunatta Ilisimatusarfiani  McGill University Montreal-milu Cant. Scient. Adm. Ilinniagaqarsimasuulluni.
 
Kommune Qeqertalik aaqqissuussaanermik nutaarluinnarmik kalaallit namminnerlutik ilusilersugaannik  kulturitsinnut tulluarsakkamik nunarsuarmioqataanermillu ersersitsisussamik ilusilersuinermi naqqaniit siunersortitut suleqataavoq, maannalu tassa ikarsarnermi suliap ilusilerluarnissaa nagillugu suleqataaffigissallugu. Tamatuma saniatigut Qaasuitsup kommuniata avinneqarnissaanut suliat unammillernaqisut suleqataaffigissuat.
 
Ikarsaariarnermut Ataatsimiisitaliap pingartippaa kalaallinik ilinniarluarsimasunik sulisoqarnissaq taamattumik nuannaarutigeqarput Hans Peter Poulsen ikarsarnermi pisortaanertut  atorfinitsissinnaagatsigu. Hans Peter Poulsen-ip aamma qularnarniartussaava kommune Qeqertalik kalaallinik ilinniarluarsimasunik suliffissigissallugu orniginarsarnissaa.
 
Suleriatsimik nutaaliasumik inerisaanitta sunniuteqalernissaa qilanaareqarput, minnerungitsumillu  innuttaasunik qanilartumik ammasumillu sullissinitta inerisarnerata sunniuteqarlualernissaa qilanaaralugu.