Aasiaat: Kommunip pilersaarutaata tapiatut nr. 52-tut siunnersuut

1. november 2017

Inissianut siunertamut kommunip pilersaarutaanut tapiliussassamut nr. 52-imut siunnersuut, tamanut tusarniutigineqarluni saqqummiunneqarpoq piffissami 31.10.2017-imiit 29.12.2017 ilanngullugu.

Qaasuitsup Kommuniata kommunimut pilersaarutaanut 2014-26-mut tapi nr. 52. Immikkoortortap AAS 1000 – A27-p pilersaarutaa.

Kommunip pilersaarutaata tapiata siunertaa:
Immikkoortortamut nutaanut pingaarnertut aamma immikkut ittumik aalajagersakkat periarfississavaat, ilinniartut ineqarfiattut siunertamut inissianik quleriinnik isikkoqartunik inissiatut siunertap ilusilersorneqarnissaa aamma nutaanik sanaartornissaq.

Kommmunimut pilersaarummut tapiliussaq sapaatip akunnerini arfineq-pingasuni sivisussuseqartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.

Tusarniaanermi akissuteqaatit kommunimut toqqaannartumik kommunimi pilersaarutip nittartagaa atorlugu nassiussinnaavat. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.

Tamanik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.

Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 29.12.2017.

kpt52_siunnersuut.pdf