Tusarniaaneq: Mittarfik nutaaq, Ilulissat

27. oktober 2017
Kommunimut pilersaarutip tapiatut nr. 58-tut, Ilulissat avannaa tungaani nutaamik mittarfiliorneq, tamanut oqallisigisassanngortillugu saqqummiunneqarpoq piffissami: 30.10.2017-miit 31.12.2017 ilanngullugu.

Kommunimi pilersaarummut tapiliussap siunertaa:
Aalajangersakkanik pingaarnernik nutaanik aalajangersaaneq, mittarfittaassap alli-lernerani sinaakkusiussat qulakkeerniarlugit mittarfiullu 2200 meterinik tallinissaa aamma nutaamik tikittarfittut illorsualiorneq, kiisalu mittarfimmut attaveqaatit ima naleqqussarneqassapput, aqquserngit pioreersut tallineqarlutillu allanngortiterneqassallutik.

Kommmunimut pilersaarummut tapiliussaq sapaatip akunnerini arfineq-pingasuni sivisussuseqartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.

Tusarniaanermi akissuteqaatit kommunimut toqqaannartumik kommunimi pilersaarutip nittartagaa atorlugu nassiussinnaavat. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.

Tamanut tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.

Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 31.12.2017.

KPT58_siunnersuut.pdf