Ilulissat: Kommunip pilersaarutaata tapiatut nr. 55-tut siunnersuut

20. oktober 2017
Ilulissani sumiiffik sanaartorfiunngitsoq inissianik sanaartorfigissallugu soqutiginartinneqarsimavoq, tamannalu Qaasuitsup Kommuniani kommunalbestyrelsep kissaatigisimavaa taperserniarlugu.
Taamaattumik tapiliussaq una atorlugu periarfissaqalerpoq nutaanik quleriinnik inissialiorfissami nutaami sanaartorsinnaaneq, tamanna Hafnarfjördurip aqqutaata kangia-tungaaniippoq.

Kommunip pilersaarutaanut tapiliussassamut nr. 55-imut siunnersuut, tamanut tusarniutigalugu saqqummiunneqarnikuuvoq piffissami uani: ulloq 20.10.2017-imiit ulloq 15.12.2017 ilanngullugu.

Kommunimi pilersaarummut tapiliussap siunertaa:
Sumiiffiup ilaa nutaaq pingaarnernik ersarissakkanillu aalajangersagartalik inissianik siunertaqartunik aaqqissuiffiginissaanut nutaanillu sanaartorfiunissaanut periarfissiisoq inissiat quleriit namminerisamik siunertaqartumik il.il. sanaartorfissaq.

Kommmunimut pilersaarummut tapiliussaq sapaatip akunnerini arfineq-pingasuni sivisussuseqartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.

Tusarniutaasumut akissutit kommunep nittartagaanut toqqaannartumik nassiussinnaavat uunga: http://qaasuitsup.kommuneplania.gl/dk/hoering_-_kommuneplantillaeg.htm imalt.mailikkut uunga: plan@qaasuitsup.gl. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.

Tamanik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.

Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 15.12.2017.

kpt55_siunnersuut.pdf