Ilulissat: Kommunip pilersaarutaata tapiatut nr. 59-tut siunnersuut

9. oktober 2017
Kommunip pilersaarutaanut tapiliussassamut nr. 59-mut siunnersuut, tamanut tusarniutigineqarluni saqqummiunneqassasoq Kommunalbestyrelsi aalajangiinikuuvoq. Kommunimut pilersaarutip tapiata uuma siunertaa tassaavoq nutaamik sanaartornissaq periarfissiuutissallugu, illumut pioreersumut B-612-mut atasumik sananeqarsinnaasoq. Kommunip pilersaarutaanut tapiliussassamut nr. 59-imut siunnersuut, tamanut tusarniutigalugu saqqummiunneqarnikuuvoq piffissami uani: ulloq 09.10.2017-imiit ulloq 04.12.2017 ilanngullugu.

Kommunimi pilersaarummut tapiliussap siunertaa:
Ilulissani illoqarfiup qeqqani ataatsimoorusamik siunertat atuuttut iluini immikkoortortap nutaap aalajangersaaviginera.

Aaliangiunneqarpoq nunaminertaq qitiusumik ingerlatanut, soorlu pisortat allaffeqarfiinut, niuertarfinnut, allaffinnut, pisortat namminersortullu inuleriviinut, neriniartarfinnut, hotel-inut aamma inissianut atorneqassasoq.

Kommmunimut pilersaarummut tapiliussaq sapaatip akunnerini arfineq-pingasuni sivisussuseqartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.

Tusarniutaasumut akissutit kommunep nittartagaanut toqqaannartumik nassiussinnaavat uunga: http://qaasuitsup.kommuneplania.gl/dk/hoering_-_kommuneplantillaeg.htm imalt.mailikkut uunga: plan@qaasuitsup.gl. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.

Tamanik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.

Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 04.12.2017.

KPT59_siunnersuut.pdf