Tusarniannerup sivitsorneqanera: Kommunip pilersaarutaata tapiatut nr. 43-tut siunnersuut

5. oktober 2017

Kommunip pilersaarutaanut tapiliussassamut nr. 43-mut siunnersuut, tamanut tusarniutigineqarluni saqqummiunneqassasoq Kommunalbestyrelsi aalajangiinikuuvoq. Kommunip pilersaarutaanut tapiliussap nr. 43-ip, qitiusoqarfimmi C17-imi piusumi niuernermut immikkoortoq atugassiissutigaa, tamatuma akunnittarfiup quleriinnik tallimanik portutigisup sanaartorneqarsinnaanera periarfissippaa. Kommunip pilersaarutaanut tapiliussassamut nr. 43-imut siunnersuut, tamanut tusarniutigalugu saqqummiunneqarnikuuvoq piffissami uani: ulloq 11.08.2017-imiit ulloq 09.10.2017 ilanngullugu.

Tusarniaaneq una maanna ullunik 14-ninik sivittorneqarpoq, innuttaasunik ataatsimiisitsinermi siunnersuut apeqquserneqarmat, seqernup qinnguaasa tarrartallu ingerlaarfii pillugit. Takussutissiat maanna misissoqqissaarneqarput tarraallu ingerlaarnerinut takussutissat ilaartorneqarput. Taamaammat tusarniaaneq ullunik 14-ninik sivittorneqarpoq 23.oktober 2017 ilanngullugu pisussanngorlugu.  

Kommunimi pilersaarummut tapiliussap siunertaa:

Immikkoortortamut 1200-C17.5-imut pingaarnertut aamma immikkut ittumik aalajangersakkat aalajangersaaffigineqarnerat, Ilulissat illoqarfiata qeqqani akunnittarfittut siunertamut nutaamik sanaartornissamik periarfissiisut. Pilersaarummut tunngavissaq nutaaq atorlugu, akunnittarfimmik quleriinnik tallimanik portutigisumik sanaartornissamut sanaatorfissaq nutaaq atugassiissutigineqarpoq.

Tusarniaanermut piffissaliussap iluani kikkulluunniit – innuttaasut, suliffeqarfiit, sullissiviit, peqatigiiffiit il.il. saqqummiisinnaapput akerliullutik, oqaaseqaateqarlutik allannguutaasinnaasunillu siunnersuuteqarlutik.

Tusarniaanermi akissuteqaatit kommunimut toqqaannartumik kommunimi pilersaarutip nittartagaa atorlugu nassiussinnaavat. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.

Tamanut saqqummiussinerup ingerlareernerata kingorna, akerliliissutaasimasinnaasut aamma allannguutissatut siunnersuutaasinnaasut Kommunalbestyrelsip oqaluuserissavai, tassanilu kommunip pilersaarutaanut tapiliussaq inaarutaasumik akuerineqassanersoq aalajangiiffigissavaat.

Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 23.10.2017.

Tusarniannerup sivitsorneqanera_kpt43.pdf