Tusarniaaneq: Sanaartornissamik saqqummiussineq - Immikkoortortaq A32, Ilulissat

21. september 2017

Immikkoortortaq 1200-A32-mi, imeqarfiup kujataatungaani inissiaqarfimmi, inissiaqarfissamik pilersitsinissaq pillugu sanaartornissamut siunnersuummik tigusaqartoqarsimanera pillugu matumuuna Qaasuitsup Kommunia saqqummiussivoq. 

Piffissaq saqqummiussiffiusoq ulloq 21.09.2017-imiit 02.11.2017 tikillugu ingerlanneqassaaq.


Immikkoortortami 1200-A32-imi, Ilulissani inissiaqarfissamik pilersitsinissaq pillugu sanaartornissamut siunnersuutip tiguneqarnikuunera pillugu saqqummiussisoqassasoq Kommunalbestyrelsi aalajangiinikuuvoq. Inissiarsuit qulit, 48-inik inissiartaqartut, sanaartorneqarnissaat kissaatigineqarpoq. Immikkoortortami sanaartorfissat 21-t atugassiissutigineqarnissaat sanaartortitsisussap siunnersuutigaa, taakkunannga sanaartorfissat qulit sanaartornissamut qinnuteqaammiipput, takuuk nunap assinga kinguliini ilanngussaniittoq.

Saqqummiunneqarnera Inatsisartut Inatsisaat 34.  9. December 2015 –meersoq naapertorlugu pivoq, kommunalbestyrelsi periarfissinneqarmat immikkoortortap sumut atorneqarnissaa pillugu saqqummiussinissaq periarfissiimmat, pilersaarusiornerup tunngaviusup aallartinneqannginnerani. 

Pilersinniakkanut siunnersuutit allat 
Piffissami tassani tusarniaanerup nalaani kikkulluunniit – innuttaasut, suliffeqarfiit,– pilersinniakkamut siunnersuutinik allanik, akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput. 

Siunnersuutinik allanik pineqartumut tigusaqarsimagutta  oqaaseqaatillu Kommunalbestyrelsimi suliarineqarumaarput, pineqartumut pilersinniakkamut tiguneqarsimasumut nunaminertamik immikkoortitsinnginnermi. Kingorna kommunimi pilersaarummut tapiliussaq suliarineqassaaq.

Pilersaarusiortoqassappat tamatigut pilersinniakkap siunnersuusiorneqarnera imarisamigut makkuninnga imaqartinneqassaaq: 
1) Siunnersuut titartagaq, sanaartukkap inissinneqarnerata qulaajarneqarnera, isikkua sanaartornermilu atortussat suuneri.
2) Atuuffissaanut pasissutissat 
3) Teknikkikkut ikkussugassat pillugit paasissutissat 
4) Pilersinniakkap piviusunngortinnissaanut aningaasaqarnikkut paasissutissat uppernarsaataasussat.

Ulloq 21.09.2017: nal. 16:00 allanik siunnersuutinik nassiussisoqarsinnaavoq oqaaseqaatinillu allanik.
Ulloq 02.11.2017: nal. 16:00 pilersinniakkanut siunnersuutinik oqaaseqaatinillu tigooraaneq matussaaq.


Siunnersorneqarnissaq ilitsersorneqarnerlu Pilersaarusiorfimmi immikkoortortaqarfimmi saaffiginninnikkut oqarsuaat: 947800 imalt. Mailikkut plan@qaasuitsup.gl -imut.

A32_siunnersuut.pdf