Ilulissani unnuisarfik tallimanik quleriilik pillugu innuttaasunik ataatsimiisitsineq ingerlanneqarsimalerpoq

20. september 2017
Ulloq 19. september 2017-imi, kommunip pilersaarutaanut tapiliussassamut nr. 43-mut siunnersuut, Ilulissani illoqarfiup qeqqani unnuisarfimmik tallimanik quleriilimmut tunngasoq, pillugu innuttaasunik ataatsimiisitsineq unnukkut ingerlanneqarpoq. 

Ataatsimiisitsinermut innuttaasut 18-it takkupput, taakkununnga siunnersuut saqqummiunneqarpoq kingornalu suliniummut atatillugu apeqquteqarsinnaallutillu oqaaseqarsinnaasimapput. 

Kommunip pilersaarutaanut tapiliussaq pillugu tusarniaanermi piffissaq, ulloq 9. oktober 2017 tikillugu ingerlanneqartussaavoq, tamatumani kikkulluunniit tusarniaanermut akissuteqaammik nassiussisinnaapput.

KPT43_siunnersuut.pdf