ATINIK UNAMMISITSINEQ - Meeqqerivik nutaap atissaanik unammisitsineq Hafnarfjordurip aqq 4

19. september 2017

ATINIK UNAMMISITSINEQ- 1.000,00-mik eqquerusukkuit atuaqqiguk.

Meeqqerivik nutaaq ammangajalerpoq. Taamaattumik atissaanik amigaateqarpugut.

Meeraaguit, inuusuttuuguit, inersimasuuguit utoqqaanerilluunniit apeqqutaatinnagu, isumassarsiullaqqinnerillu atorlugu, meeqqerivittaassatsinnut atimik siunnersuuteqarit. 

Meeqqerivik pinngortitaleriffiussaaq (naturinstitution) meeqqallu ukiui agguataarsimasussaallutik. Taamaattumik ateq siunnersuutissat pinngortitamut attuumassuteqarnissaa piumasaraarput. 

Meeqqeriviullu nutaap atissaa atsiisorlu pisortatigoortumik saqqummiunneqassaaq, ulloq 16/10-2017 meeqqeriviup ammaanersiornerani.

Siunnersuutit meeqqeriviup allaffeqarfianeeriissapput ulloq 29/9-2017.

Mail: ilu_institutionskontor@qaasuitsup.gl


Inussiarnersumik inuulluaqqusilluta

Kultureqarnermut atuartitaanermut 
sunngiffimmullu Ingerlatsivik
Aron Mathiassen Aqq. 9b
3952 Ilulissat

Qaasuitsup Kommunia