Ilulissat: Innuttaasunik ataatsimiisitsineq 19. september 2017

Kommunep pilersaarutaanut tapiliussaq nr.43: Ilulissat qeqqani akunnittarfik 5-nik quleriik.
15. september 2017

Kommunalbestyrelsep ulloq 9.august 2017 aalajangiuppaa Kommunep pilersaarutaanut tapiliussaq nr.43 tamanut tusarniutiginiarlugu sapaatit akunnerini 8-ni, ulloq 11.august 2017 aallartittumik 9.oktober 2017-p ilanngullugu.

Pilersaarummi siunertaavoq nunap assinganisut akunnittarfimmik 5-nik quleriinnik inissiinissamut periarfissiinissaq.

Innuttaasunut ataatsimiisitsinermi akunnittarfik pillugu pilersaarut saqqummiunneqassaaq kingornalu periarfissaqassaaq apeqquteqarsinnaanermut suliniullu pillugu oqaaseqaateqarsinnaanissaq.

Tusarniaanerup piffissarititaata iluani kikkut tamarmik allakkatigut oqaaseqaammik nassiussisinnaapput siunnersuummulluunniit akerliussummik. 

Piffissaq sumilu
Innuttaasunut ataatsimiisitsineq pissaaq uani:

Marlunngorneq 19.september 2017 nal.19.00 

Ilulissani Majoriap kantiinaani.

Kikkulluunniit tikilluaqqusaapput.

 

KPT43_siunnersuut.pdf