Aasianni aamma Ilulissani Qaasuitsup Kommunia Toqqammavigisassatut ivertitassanik pissarsiorpoq

13. september 2017
Qaasuitsup Kommunia Qaasuitsumi Politiit suleqatigalugit inunnik Toqqammavigisassamik Ivertitassaminnik imminut piukkussinnaasunik pissarsiorpoq.

Tamatuma kingorna Politiit innersuussisarput – isumaginninnikkut oqartussat saaffigineqareersimassagaluarpata – inunnut pinerluttaalinermut inatsit § 157 imaluunniit § 161 (katsorsartinneq, tigummisaaneq assigisaallu) naapertorlugit pineqaatissinneqarsimasut inissiisarfianiittussanngorlugit eqqartuunneqarsimasunut inuit piukkunneqartut toqqammavisssatut  pissarsiarineqartarput. Tamatuma kingorna eqqartuussivik toqqammavissanik atugassiisarpoq.

Eqqartuunneqarsimasup qanoq issusaa pillugu toqqammaviusoq nalunaaruteqartartussaavoq kiisalu taassuma napparsimavimmiinnerani assigisaaniluuniit pisariaqanngitsumik sivisunerunissaa pinngitsoortinniarlugu isumagisussaallugu. Tamatuma saniatigut toqqammaviusoq  eqqartuunneqarsimasumut attaveqartuassaaq, siunnersorlugu kiisalu assersuutigalugu qanoq naammagittaalliuutit ilusilersorneqarsinnaanerat pillugu aamma aqqutissiullugu.

Toqqammaviusoq ukiumoortumik tunngaviusumik 1.600 kr.-inik akilerneqartarput kiisalu qaammatit pingasut qaangiunneri tamaasa 1.200-inik eqqartuunneqarsimasoq inissiisarfimmikkangat.

Kallaallit Nunaanni Eqqartuussiviit toqqammaviusut pisinnaatitaaffi aamma pisussaaffi pillugit siunnersuillutillu aqqutissiuussisarput

Toqqammaviuinissamut soqutiginnikkugit ataatungaani najukkamut Qaasuitsup Kommunia attavigisinnaavat. Tamatuma kingorna pisariaqartitsisoqalerpat Kommuni illit illersuisunngortussatut politiinut innersuutissavaatit.

Isumaginninnikkut Ingerlatsivik
Noah Mølgaardsvej 9 
Postbox 1023
3952 Ilulissat
qaasuitsup@qaasuitsup.gl