Tusarniaaneq: Kommunip pilersaarutaata tapiatut nr. 47-tut siunnersuut

30. august 2017

Kommunip pilersaarutaata tapiatut nr. 47-tut siunersuut: Uummannami inissiaqarfimmi A12-mi nutaanik sanaartornissamik pilersaarut tamanut piffissami 30.08.2017-miit 25.10 2017-mut saqqummitinneqarluni tusarniutigineqarpoq. 

Qaasuitsup Kommuniata kommunimut pilersaarutaa 2014-26-p tapiilu. Kommunip pilersaarutaata tapia nr. 47. Immikkoortortaq UUM 1500 – A12-mut atuuttoq.

Kommunip pilersaarutaata tapiata siunertaa:
Kommunip pilersaarutaata tapiata uuma pingaarnertut siunertaa unaavoq: Uummannap pigisaani Nuugaatsiami aamma Illorsuarni najugallit pinngortitap piliaanik ajunaarnersuarmik eqqugaasut najugaqarfissaannik qulakkeerinninniarluni sanaartorfissanik immikkoortitsinissaq. Kommunip pilersaarutaata tapiata uuma Uummannami immikkoortortaq A12-mi sanaartugassat tamarmiusut pilersaarusiorneqarnerini pingaarnertut aalajangersakkat aamma immikkuualuttut aalajangersagartai aalajangersassavai.

Kommunip pilersaarutaata tapiatut siunnersuut sapaatip-akunnerni arfineq-pingasuni tusarniutigineqarpoq. Piffissami tassnai kikkut tamarmik – innuttaasut, suliffeqarfiit, paaqqinnittarfiit, peqatigiiffiit il.il. – akerliullutik nalunaarutiminnik, oqaaseqaatiminnik aamma allannguutissatut siunnersuutiminnik saqqummiussisinnaapput.

Tusarniaanermut illit akissutit kommunip nittartagaa aqqutigalugu kommunimut toqqaannartumik allassinnaavat. Tassunga aamma filinik ilanngussisinnaavutit. Najukkarni Sullissivimmut aamma tunniussinnaavat imaluunniit kommunimut nassiussinnaavat.

Tamanik tusarniaaneq naammassippat kommunalbestyrelsip akerliulluni nalunaarutaasinnaasut aamma allannguutissatut siunnersuutit suliarissavai tamatumalu kingorna siunnersuut inaarutaasumik akuerineqassaaq.

Tusarniutigineqartumut akerliullutik nalunaarutissaqaruit imaluunniit oqaaseqaateqarusukkuit taakkua kingusinnerpaamik kommunimut una ulloq tunniunneqariissapput: 25.10.2017.

KPT47_siunnersuut.pdf