Qaasuitsup Kommuniani nutaamik pilersaarusioriaasissaq

18. august 2017

Pilersaarusioriaasissaq 2017 

Kommunalbestyrelsip 4.juli 2017 ataatsimiinnermini 2017-mut Pilersaarusioriaasissaq akueraa aalajangiullugulu, Qaasuitsup Kommunianut Pilersaarut 2014-2016 nutarteriffigineqasasoq immikkoortut nutarteriffiginerisigut, tamatumani Attaveqaatitigut aaqqissuussat angallannikkut mittarfeqarfitsigullu susassaqarfiit isiginiarneqarnerullutik immikkut suliarineri ingerlateqqinneqarlutik, aamma inuussutissarsiornikkut ineriartortitsineq kiisalu nunaminertat sanaartorfiunngitsut illoqarfiullu iluani illoqannginnersat. Tamatuma saniatigut kommunemi pilersaarut atuuttoq nutarteriffigineqassaaq, taanna ataavartumik kommunep pilersaarutaani tapiliussiornikkut nutartertuarneqarsimavoq.

2017-mut Pilersaarusioriaasissap saniatigut kommunalbestyrelsep nunap immikkoortuini pilersaarutit, Angallannermut nunatallu sanaartorfiunngitsut akuerisimavai, tamakku kommunep pilersaarutaanut nutarterinissamut ikorfartueqataapput pilersaarusiornermilu sakkussatut aamma atuuffeqarlutik ataqatigiissaarinikkut aammalu iliuusissatigut suliniarfigisanullu pingaarnersiuinernut, ataavartumik suliniusiornissanut inaarustissiorfiusussaallutik.

Pilersaarusioriaasissiaq aamma Nunap immikkoortuinut pilersaarutit takuneqarsinnaapput Pilersaarusianut iserfissiami: http://qaasuitsup.plania.gl/ imaluunniigt attavilikkamut ”Pilersaarut aamma Nunaminertaq” kommunep nittartagaani http://www.qaasuitsup.gl taanna quppernerup talerpiata tungaani qullermi inississimavoq. Pilersaarutinut iserfissiami aamma toqqaannartumik iserfigalugu takuneqarsinnaavoq pilersaarusiatut siunnersuutit aamma suliniutissatut qinnuteqaatit, pisortatigoortumik tusarniutaasut kiisalu tusarniutinut digitaliusumik akissuteqarsinnaanermut periarfissat.