Pinngortitami innermik atuinermut pujortaqusinnginnermullu inerteqqut atorunnaarpoq

17. august 2017
Qaasuitsup Kommuniani Annaassiniarnermut Upalungaarsimatitat ullup unnuallu kingulliup siallereernerani Qaasuitsup Kommuniani pinngortitami innermik atuinermut pujortaqqusinnginnermullu inerteqqut illoqarfiit nunaqarfiillu avataani, atorunnaarsippaa ullumikkutmiit 17.august 2017 nal.15.00

Sapaatip akunnerani uani Qaasuitsup Kommuniani sumiiffinni marlunni nunami ikuallattoqarpoq taakkulu tamarmik qaminneqarput. Suli Nassuttuumi ikumasoqarpoq kisiannili qatserisartoqarfinni marluusuniit qatserisartut suliaqartinneqarput inneq siammattaaliorniarlugu.

Ikuallannermik qamisaasoqarpoq atsissuni qamisaanissamut imeqarfiusuni. Iviit orpikkallu aamaarnerisa kingunerannik assut pujorpoq. Ikuallaffiup eqqaani uumasoqarneranik malussartoqarsimanngilaq, taamaattumik inuit, uumasut sanaartukkalluunniit ikuallannermit ulorianartorsiortinneqanngillat.

Qaasuitsup Kommuniani Annaassiniarnermut Upalungaarsimatitat innuttaasut ikuallannermik paasissutissiisinnaasut, imaluunniit apeqqutissaqartut qinnuigaat, Kalaallit Nunaanni Politiit, tlf.701448-mut attavigeqqullugit. Innuttaasut qinnuvigaagut upalungaarsimatitanut sianertaqqunagit, sianernermi telefoonikkut kalerriinernut akornutaassammata.

Naak innermik atuinermut pujortaqqusinnginnermullu inerteqqut atorunnaaraluartoq, taamaattoq Qaasui-tsup Kommuniani Annaassiniarnermut Upalungaarsimatitat kajumissaarutigaat pinngortitami ikumatitsineq pujortarnerlu mianersuutigeqqullugit. Ikumatitamik qimatsinngisaannarit pujotakkamilluunniit ikumasumik pinngortitamut igitsinngisaannarit, kiisalu igalaaminikut katersukkit, assersuutigalugu sodavandit puuisa naqqi allisitsiutitut seqernup qinnguai sakkortusisittarpaat ikuallalersitsisinnaallutik.