Aasiaat kujataani qaqqami ikuallanneq qaminneqarpoq

16. august 2017
Ippassaq nal.15.38 Qaasuitsup Kommuniani Annaassiniarnermut Upalungaarsimatitaat nalunaarfigineqarput Aasiaat kujataani ikuallattoqartoq, sumiiffimmi N68 35.5 W052 47.7.-mi.

Aasianni annaassiniarnermi aqutsisoq sumiiffimmut alapernaarsuiartortikkasuarneqarpoq Aasiaallu Qtaserisarfianni qatserisartut aggersarneqarput qamisaajartorluni aallarnissamut piareersaqqullugit.

Ikuallattoq immamiit 75 meterinik qatsissuseqarpoq 2,5 km2-rinik annertussuseqarluni. Ikuallattoq sivinganermiippoq ikuallannerullu illuaraq angusinnaallugu anori illuanut saakkaluarpat.

Aasianniit Targa-t  marluk atortunik qatserisartunillu 6-nik ilaasoqartillugit qamisaajartortinneqarput.

Ikuallanneq qaminneqarpoq ullaarlu qatserisartut Aasiannut uterlutik tikipput.

Ilimagineqarpoq ikumatititsereernermi ikuallanneqalersimassasoq, inneq qamilluarneqarsimanani taamalu siaruaassimalluni.

Annaassiniarnermi Upalunaarsimatitat Nukissiorfiit KJ-lu ikiuunnerannut qujassuteqarfigersuppaat.

Innuttaasut apeqqutissallit suliamulluunniit paasissutissaatillit Kalaallit Nunaanni Politiit 701448-mut attavigisinnaavaat.

Innuttaasut Annaassiniarnermut Upalungaarsimatitaasunut apeqquteqarniarlutik sianernissaat innersuutiginanngilaq, oqarasuaatinut sianernerit ajutoorlutik sianertunut akornutaaqqunagit.

Inussiarnersumik inuulluaqqusilluta
Qaasuitsup Kommuniani Annaassiniarnermut Upalungaarsimatitat Qaasuitsullu Kommunia