Kommunip pilersaarutaanut tapiliussamik nr. 34-imik, immikkoortortaq D12-imut sanaartorfiusussaanngitsumut Ilulissani qimmilivimmut tunngasumik, tamanut nalunaarummik saqqummiussineq

14. august 2017
Qaasuitsup Kommuniata kommunimut pilersaarutaanut 2014-26-mut tapiliussanik ilaqartumut, kommunip pilersaarutaanut tapiliussaq nr. 34.

Kommunip pilersaarutaanut tapiliussaq nr. 34 ulloq 09.08.2017-imi inaarutaasumik Kommunalbestyrelsimit akuersissutigineqarpoq.

Kommunip pilersaarutaanut tapiliussaq tamanut nalunaarutigineqarluni saqqummiunneqarpoq ulloq 14.08.2017-mi, ullorlu taanna aallarnerfigalugu kommunip pilersaarutaanut tapiiussaq inatsisitigut atuutilerpoq.

Kommunimi pilersaarummut tapiliussap siunertaa:
Immikkoortortamut piusunut pingaarnertut aalajangersakkat aalajangersarneqarnerat. Immikkoortup atorneqarnera, immikkoortutut sanaartorfiunngitsutut aalajangersarneqarpoq matumani qimmiliveqarfittut ilusilerlugu.

Taamatutaaq Sermermiut Aqqutaata eqqaatigut pisuinnarnut aqqusinermik, Kangiata illorsuassaata tungaanut illoqarfiup qeqqaniit atassusiisussatut siunertaasumik, sanaartorsinnaaneq kommunip pilersaarutaanut tapiliussap periarfissippaa.

Kommunip pilersaarutaanut tapiliussaq sapaatit akunnerini arfineq-pingasuni tamanut tusarniutigineqarnikuuvoq, tamatuma ingerlanerani innuttaasut, suliffeqarfiit il.il. akerliliissutinik, oqaaseqaatinik allannguutissatullu siunnersuutinik saqqummiussisinnaasimapput.

Kommunip pilersaarutaanut tapiliussaq nr. 34.pdf