Qaasuitsup Kommuniani innermik atuineq kiisalu pujortarneq inerteqqutaavoq

14. august 2017

Qaasuitsup Kommuniani pinngortitaq piffinni arlaqartuni assut panerpoq, ikumatitamiit innaallanneq imaluunniit pujortarnerup kingunerisaanik mianersuaallioruit ikualllanneq aallartissinnaavaat.  

Sapaatip akunnerini kingullerni arlalinnik ikuallattoqarnera tunngavigalugu ullumikkumiit atuutilersumik Qaasuitsup Kommuniani illoqarfiit nunaqarfiillu avataanni asimi innermik atuinermik aamma pujortarnermik inerteqquteqarneq Qaasuitsup Kommuniani qatserisartoqarnikkut oqartussanit atuutilersinneqarpoq. Inerteqquteqarneq atuutiinnarallassaaq.

Unioqqutitsineq politiinut nalunaarutigineqassaaq, qatserisartullu nunami ikuallattumut qatserinerannut aningaasartuutaat ikuallannermut akisussaatinneqartumut akiligassiissutigisinnaavaat.

Angalatitsisartut, hotelit il.il. kaammattorneqarput takornarissanut inerteqqutaasoq pillugu paasissutisseeqqullugit.