Aasiaat: Sanaartorfissat atorneqanngitsut

11. august 2017

Qaasuitsup Kommuniani kommunalbestyrelsep aalajangiuppaa Aasianni sumiiffik A21-mi sanaartorfissat 27-t tamanut ussassaarutiginiarlugit. 

Sanaartorfissat nutaat 17-t qinnutigineqarsinnaapput assigiinngitsunik inissialiorfiusin-naasutut – ilaqutariit immikkut illuisut imaluunniit uinguleriiaanik inissialiornikkut. Ataani nunap assingani sanaartorfissat inississimaffii angissusiilu takusinnaavatit NunaGIS-imiluunniit nanisinnaavatit.

Nunaminertaq sanaartorfiusinnaasoq sanaartorfigineqanngitsorli nunaminertamik atuisinnaanermut qinnuteqarfigisinnaavat NunaGIS aqqutigalugu aamma kommunip nittartagaa aqqutigalugu qinnuteqarluni immersugassaq aasinnarlugu immersorne-qassaaq, uaniittoq: http://www.qaasuitsup.gl. Inummit imaluunniit suliffeqarfimmit ataatsimit qinnuteqaat ataasiinnaq immersoqqusaavoq, inuttut ataasiinnartut allassi-masussaq aamma inatsisit malillugit ataasiinnarmik atuarneqarsinnaassaaq. Qinnute-qaatit tamarmik pappiliartaat nassiunneqartut aallaavigalugit nalilersorneqarumaar-put. Nunaminertaq sanaartorfissaq qinnuteqartunit arlalinnit assigiimmik akuersivigi-neqarsinnaatillugu kommuni akuersissummik tunniussisinnaajumalluni makitsisaria-qassaaq.

Qinnuteqaatit tamarmik makkunannga imaqassapput:
1. Sanaartugassap ilusissaatut siunnersuut, sanaartukkap inissisimaffissaanik, isikkussaanik atortullu suut atorlugit sananeqarnissaanik nassuiaatitalik.
2. Sanaartukkap sumut atorneqarnissaanik paasissutissat.
3. Teknikkikkut atortut ikkusuunneqartussat pillugit paasissutissat.
4. Aningaasaqarneq pillugu paasissutissat, qinnuteqaatip piviusunngortitsisinnaaneranik uppernarsaatitut atorneqartoq.

Piffissaliussat aamma suliat pilersaarutaat:
11.08.2017: Ulloq taanna aallarnerfigalugu sanaartorfissani nunaminertamik atuisin-naanermik qinnuteqaatit nassiunneqarsinnaapput. 
01.09.2017: Nalunaaqutaq 16:00 nunaminertamik atuisinnaanermik qinnuteqaatit tigooqqarneri siullermeertumik matussapput.
Tamatuma kingorna sanaartorfissaq suli sanaartorfigineqarsimassanngippat nunaminertamik atuisinnaanermut qinnuteqaatit qaqugukkulluunniit qinnutigineqarsinnaapput.

Ilitsersuut
Siunnersuutit ilitsersuutillu Pilersaarusiornermut immikkoortortaqarfimmut oqarasuaat: 947800 imaluunniit mail-imut: plan@qaasuitsup.gl. saaffiginnilluni pissarsiarineqarsinnaapput

Kommunip pilersaarutaanut tapiliussaq nr.27.pdf