Saqqap aamma Qeqertap akornanni nunamik ikuallattumik qamisaallutik qatserisartut qatseripput

10. august 2017

Ikuallanneq 2 km2-ip missaanik annertutigisumut siaruaassimasoq maannalu ikuallanneq aqunneqarsinnaalersimasoq, annaassiniarnermut upalungaarsimasoqarfiup ilisimatitsissutigaa.

Qaasuitsup Kommuniata annaassiniarnermut upalungaarsimasoqarfiata, Saqqap Qeqertallu akoranni nunami ikuallanneq ulloq unnuarlu qaanngiuttoq qatseriffigisimavaat.

Nunami pineqartumi nuna assut panermat ikuallannerlu ujaqqat qaarsullu ataannut siaruarsimammat, ikuallannermik qatserineq ajornartorsiortitaasimavoq. Qaasuitsup Kommuniani qatserutaasivinnit sisamasunit qatserisartut qatserinermut ilaatinneqarput.

Ikuallanneq qanoq pinngorsimanersoq politiit misissuiffigalugu ingerlappaat.

Qaasuitsup Kommuniata annaassiniarnermi upalungaarsimasoqarfiata innuttaasunut qinnuiginnissutigaa, nunami pinngortitamilu pujortarnermi ikumatitanillu ikumatitsinermi suli mianersorluinnartoqassasoq.

Inussiarnersumik inuulluaqqusilluta
Qaasuitsup Kommuniani Annaassiniarnermut Upalungaarsimatitat, Ilulissani Politiit Qaasuitsullu Kommunia