Nassuttuumi pinngortitami ikuallattup qamisarnissaa

10. august 2017
Qaasuitsup Kommuniani Annaassiniarnermut Upalungaarsimatitat sumiiffimmilu politiit ippassaq Nassuttuumut alapernaarsuiartorput, ikuallattup siammattaaliornissaanik misissuiartorlutik.

Qaammataasakkut assilisat kingulliit takutippaat Nassuttuumi Qeqertaasap arfineq pingasorarterutaa ikuallassimasoq. Assimiikuallannerup siammarsimanera takuneqarsinnaavoq. Maanna sumiiffiup killinga ikumavoq. Qeqqani, assimi sukkulaajusaq 12 km2 missiliungaa nungulluni ikumasimavoq. Ippassaq anoreqanngilaq, taamaasilluni ikuallattup pujua 1264 meterisut qatsitsigaaq.

Alapernaarsuisoqareernera aallaavigalugu Qaasuitsup Kommuniani upalunaarsimatitat ullumi ataatsimiinnermi isumaqatigiillutik aalajangiuppaat, annassiniarnermut upalungaarsimatitat sulisinneqassasut ikuallanneq siammattaaliorniarlugu.

Qaasuitsup Kommuniata eqqumaffigaa, sumiiffiit ilaanni pujoq akornutaasinnaasoq, kisiannili alapernaarsuinermi paasinarsivoq, sumiiffimmi inuit, uumasut illulluunniit ulorianartorsiunngitsut.
Sumiiffik assut panerpoq naasut asiusimapput, taamaattumillu ilimagisariaqarpoq uumasut tamaangaanniit nikissimanissaat.

Kommuneqarfimmi Illoqarfinnit arlaqartuniit qatserisartut qamisaanermi peqataassapput.

Aammattaaq Qaasuitsup Kommuniani Annaassiniarnermut Upalungaarsimatitat suleqatigiit allat ikiortiseriniarpaat qamisaanissamut ikuallaffiusoq annertummat taamaasilluni atortutigut inuttatigullu annertuumik pisariaqartitsiffiulluni.

Inussiarnersumik inuulluaqqusilluta
Qaasuitsup Kommuniani Annaassiniarnermut Upalungaarsimatitat, Ilulissani Politiit Qaasuitsullu Kommunia