Arfininngorpat Oqaatsuni Festivalerneq

3. august 2017
Festivalimut aaqqissuisut ussassaarutigaat misigineqarsinnaasut eqqumiitsuliat, nipilersorneq, nerisassiat, karaoke allallu nal.18.00-miit ulloq 5.august 2017 Oqaatsuni.

Qaasuitsup Kommuniani borgmesteri Ole Dorph ippassaq Oqaatsuniippoq aliikkusersuisussat piareersaatiminnik sumut killissimanersut alakkarlugit.
-Assut ajasoorpunga aliikkusersuisussat 40-t missaaniittut qanoq tunniusimatigalutik angoreersimasaat takugakkit, aaqqissuussineq pitsaassamaaqaaq piareersarluangaallunilu. Kalaallit kulturikkut/ nipilersornikkut nuimasortai peqataapput, nunani avannarlerniit eqqumiitsuliortut tusaamasat nunarsuarniillu allaniit peqataapput. Qularinngilluinnarpara inunnit ussagarfigilluarneqassasoq, aamma qanittutsinni illoqarfinniit nunaqarfinniillu.

Aliikusersuisussat peqataasussat: Arnannguaq Gerstrøm, Varna Marianne Nielsen Apaloo, Hans Henrik Suersaq Poulsen, Kimmernaq Kjeldsen, Inunnguaq Hegelund, Aqqalu Berthelsen, Lisbeth Karline Poulsen, Hans-Ole Amossen, AneMarie Ottosen, Anders Berthelsen, Mike Thomsen, Pinquins, Árni Ólafur Jónssson, Anna Rún Tryggvadottir, Arnbjörg Maria Danielsen, Bjarni Frimann Bjarnason, Jesse Abayomi, Brian Smith, Mathias Mohr, Thorleifur Örn Arnasson, Sofia Jernberg, Laszlo Kuti, Adapter, Sunneva Ása Weisshappel, Qudus Onikeku, Saga Sig, Scenatet aamma Klara Geist.

Festivalimut peqataaneq akeqanngilaq.

Uani paasisaqarnerugit www.diskoartsfestival.org