Nassuttuumi nuna ikuallappoq

1. august 2017
Attup kangiani nunami ikuallattoqarnera pillugu Qaasuitsup Kommuniata annaassiniartartutut upalungaarsimatitaannut ippassaq ilisimatitsissut tunniunneqarpoq.

Ilulissani politiit, Qaasuitsup Kommuniata annaassiniartartutut upalungaarsimatitai aamma Qaasuitsup Kommuniata ikuallanneq qanimut malinnaavigaat, Air Greenland-illu timmisartuisa nunamik qulaannittut ingerlaavartumik assiliisassapput.

Politiit pigaartoqarfiata nunami tassani immikkoortumi piniartuniit ikuallattoqarnera pillugu ilisimatitsissutinik arlaqartunik tigusaqarsimavoq. 
- Nunami immikkoortumi piniartuniit ilisimatitsissutinnik suli tigusaqartarumavugut. 
Ilulissani politiinut sianerit uunga: 701448. 
Assinik aamma nassiussisinnaavusi uunga: GRL-Ilulissat@politi.dk 

Aasaanerata sialoqarpianngitsup nunami ikuallattoqalersinnaanera kingunerisinnaavaa. Taamaattumik cigaret-inik pujortarnermi aamma ikumaartitsinermi innuttaasut immikkut ittumik mianersortarnissaannik qinnuigineqarput.