Kommuneqarfik Sermersooq ikiorsiivoq

5. juli 2017

"Asasara Qaasuitsup Kommuniani borgmesteri, Ole Dorph

Allagaq una aallartillugu Nuugaatsiami tassaarsuaqarnerani ajunaartunut qanigisaasunut
aamma Nuugaatsiami Illorsuarnilu innuttaasunut siunissami sumi najugaqarnissaminnik
maannakkorpiaq nalornisunut misiginneqatiginninnera anngukkusuppara.

Piffissami matumani ilungersunartumi nuannaarutigalugu nalunaarutigissavara,
Kommuneqarfik Sermersuumi Aningaasaqarnermut Ataatsimiititap aalajangermagu,
tassaarsuaqarnerani eqqugaasunut kommunissinni suliniuteqarnissassinnut 500.000
koruuninik tunissuteqassalluni.

Kommuneqarfik Sermersuumi borgmesteriuninni nalaatara assingusinnaasoq tassaavoq,
Siorna Tasiilami piterarnera. Nalunngilara, innuttaasut amerlasuut annertuumik
annaasaqarsimasut pillugit allaffissornikkut suliniuteqarnissamik tassungalu peqatigitillugu
iluarsaaqqinnissamik ataqatigiissaarinissamik suliassat qanoq annertutigisut. Tassunga
atatillugu siunnersuinermik, aqqutissiuussinermik ikiuunnissamilluunniit
pisariaqartitsisoqassappat, Kommuneqarfik Sermersuumi sulisut
neqeroorutigerusuppakka.

Inussiarnersumik inuulluaqqusillunga
Asii Chemnitz Narup
Borgmesteri / Mayor
Kommuneqarfik Sermersooq"