Uummannami innuttaasunik ilisimatitsineq

20. juni 2017
Qaasuitsup Kommuniani Kommunalbestyrelse aamma Qaasuitsoq Avannarlermi Ikaarsaariarnermi Ataatsimiititaliaq sinnerlugu borgmesterinngortussaq Palle Jerimiassen ulluni makkunani innuttaasunut kommunip misiginneqatiginninnera apuukkiartutaa paasissutissiilluni naapitsinissaq siunertaralugu Uummannamiippoq.

Palle Jerimiassen-ip ataasinngornermi 19/6 unnukkut innuttaasunik naapitsinnginnermini Uummannami upalungaarsimanermik suliaqartut killiffissioqatigalugit naapippai.

Innuttaasunut oqaluffimmi killitsinnartumik misiginneqatiginninneq nal. 19 ingerlanneqartoq peqataaffigineqareermat, arfineq pingasunngaanniit inuttaasunut paasissutissiineq ingerlanneqarpoq.

Paasissutissiineq Qaasuitsoq avannarlermi borgmesterinngortussamit Palle Jerimiassen-imit, Naalakkersuisut siulitttaasuat Kim Kielsen-imit aamma Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisumit Erik Jensen-imit Politiiniillu peqagiilluni paasissutissiineq ingerlanneqarpoq. 

Paasissutissiinermi pingaarnerpaatut alianartumik pisoqarnerani upaalugarsimaniarnermut, sillimaniarnermillu suliaqarnermi killiffik aammalu suliniutaasut pillugit paassisutissiisoqarpoq. 

Taamatut paasissutissiinermi annerpaamik anguniarneqarpoq, innuttaasut toqqissillutik ulluinnarni inuunermut naliginnaasumik ingerlatseqqilernissamut uterteqqinniarnissaat. Tamannalu innuttaasunik tigulluarneqartoq malunnarpoq, innuttaasut paasissutissinneqarnertik iluarisimaarlugu oqariartuuteqarmata.