Qasigiannguani umiaaqqiorneq naammassisoq

14. juni 2017
Ippassaq Qasigiannguani umiaaqqiortartut tulluusimaaqisut umiaaqqiartik naammassisimasartik takuteqqaarpaat.
Illoqarfimmi kommunip allaffiata saavani umiaaraq takuteqqaarneqarpoq, ullorlu naallugu umiaaqqiorsimasut oqaloqatigineqarsinnaanerat periarfissaavoq.
Matuma kingorna umiaaraq Qasigiannguit katersugaasiviannut inissinneqartussaavoq.

Umiaaraq qatanngutigiinnit Mads aamma Hans Brandt-ikkunnit sananeqarpoq, taama iliorput eqqaamasatik misilittakkatillu aallaavigalugit illoqarfimmiuniillu piumassutsiminnik ikiuukkumasunik aamma Qasigiannguit katersugaasiviani aamma Aasiaat katersugaasiviani sulisunik suleqateqarlutik.
Pisup ingerlarnga tamakkerlugu, pilersaarusiorneq, atortussanik naleqqussinnaasunik misileraaneq sananerlu ilanngullugit, Qasigiannguit katersugaasiviannit uppernarsaasersorneqarpoq aamma ilisserutit assersuutillu maannakkut assinik film-ilianillu ilaqartut katersugaasiviup siunissami pigiinnarneqartussatut katersaatigilerpai – siunissami atorneqarsinnaalersillugit.

Qasigiannguani katersugaasivik aamma Qasigiannguani sunngiffimmut ingerlatsivik, ataatsimoortumik suliniummut tunuliaqutaapput, suliniummiillu misilittagaalersut ukiaru Qasigiannguani unnukkut atuartitsisarneq aallartippat umiaaqqiornermik neqeroorutit pilersaarusiorneqarnerannut ilaatinneqassapput.
Asseq: Qasigiannguani kommunip allaffiata saavani umiaaqqap inaarlugu sanaap takuteqqaarneqarnera ulloq 14. juni 2017. Qasigiannguit Katersugaasiviat, 2017