Tusarniaaneq: Kommunip pilersaarutaanut tapiissut nr. 41-tut siunnersuut

26. maj 2017

Kommunip pilersaarutaanut tapiissut nr. 41-tut siunnersuut, Ilulissani Isfjordenimi qitiusumik sullissivissap napparneqarnissaa pillugu, piffissami tamanut tusarniutigineqarpoq: 23.05.2017-miit 18.07.2017 ilanngullugu.

Qaasuitsup Kommuniata kommunimut pilersaarutaanut 2014-26-mut tapiissut nr. 41. Immikkoortortat ILU 1200 – C12 pilersaarutaat.

Kommunimi pilersaarummut tapiliussap siunertaa:
Pingaarnertut aalajangersakkat aamma aalajangersakkat immikkut ittut nunaminertanut 1200-C12 atuuttussat aalajangersarneqassapput, taamaalilluni pineqartoq tamanit atorneqartussanngussammat soorlu ilisimatusarnermut, ilinniartitaanermut, sullissinermut, najugassiatut il.il. kiisalu Isfjordimi qitiusoqarfissamik nutaamik illuliornermut.

Kommmunimut pilersaarummut tapiliussaq sapaatip akunnerini arfineq-pingasuni sivisussuseqartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput

Tusarniaanermi akissuteqaatit kommunimut toqqaannartumik kommunimi pilersaarutip nittartagaa atorlugu nassiussinnaavat. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.

Tamanik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.

Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 18.07.2017.

kpt41.pdf